O’zbekiston respublikasi oliy va o’rta maxsus ta’lim vazirligi andijon Davlat universiteti

«Non- rizq ro‘zimizdir» nomli kechani o‘tkazishga quyidagicha tayyorlanish mumkin.

Kecha ishtirokchilari: kechani olib boruvchi ikki o‘quvchi tanlanadi. Undan tashqari «non-rizq ro‘zimizdir» mavzusida ma`ruzachi, badiiy o‘qish, ashula, o‘yin sahna ko‘rinishlari uchun ijrochilar tanlanadi.

Kechani o‘tkazish joyi quyidagicha bezatiladi. Zal devorlariga yerni ekishga tayyorlashdan tortib to non pishirguncha bo‘ladigan jarayonlarni aks ettiruvchi rasm plakatlar, O‘zbekistonda g‘allachilik rivojlanishini aks ettiruvchi jadvallar, kechaga bag‘ishlangan devoriy gazeta, har bir sinfda bir burda non isroflansa maktab bo‘yicha qancha non isrof bo‘lishini ko‘rsatuvchi jadval, bug‘doy navlarini aks ettiruvchi jadval va gerbariylar bo‘lishi lozim. Undan tashqari non haqidagi ibratli so‘zlar, she`rlar yozilishi lozim.

Zalga stollar qo‘yilib, har xil nonlar, un mahsulotlari qo‘yiladi. Kechani tarbiyaviy ta`sirini orttirish uchun alohida stolga parta va stullarga o‘quvchilar qoldirgan non burdalarini, uni miqdorini yozib, isrof qilingan shuncha nonni tayyorlash uchun qancha yerga bug‘doy ekish kerakligini ko‘rsatuvchi jadvallar qo‘yish lozim.