O„zbekiston respublikasi oliy va o„rta maxsus ta‟lim vazirligi, andijon davlat tibbiot instituti

1.
 
Allergik asoratlar. 
Allergik asoratlar kapillyar toksikoz, shilliq pardalarning 
kataral yallig‗lanishi, dermatitlar va shish ko‗rinishida namoyon bo‗ladi. Allergiya 
munosabati bilan ba‘zan miokardit, bronxit, gepatit boshlanishi mumkin. Ximio-
terapevtik preparatlar, masalan, penitsillin hatto kichik dozasida yuborilganida ham 
ba‘zan allergik shok holatiga sabab bo‗lishi mumkin.
 
2.
 
Endotoksin 
reaksiya, 
asosan 
bironta 
antibiotik 
katta 
dozasida 
yuborilganidan so‗ng yuz beradi (zahm, qorin tifi, brutsellyoz, sepsis va boshqa 

---

30 
kasalliklarda uchraydi). Bunday holatning oldini olish uchun antibiotik bilan bir 
vaqtda neokompensan, gemodez, dimedrol, suprastin, vitaminlar tayinlanadi. Be-
mor ahvoli og‗ir bo‗lganda kortikosteroidlar ishlatiladi.
 
3.
 
Disbakterioz. 
Bemorni antibiotiklar bilan davolanganda ularga sezgir 
mikroblar kamayib, bularning o‗rniga o‗sha preparatga chidamli mikroblar, 
xususan, stafilokokklar ko‗payadi. Masalan, penitsillin bilan davolashda 
grammanfiy mikroblar va zamburug‗chalar ko‗payadi. Levomitsetin va biomitsin 
bilan davolashda esa ichakning normal florasi o‗rniga organizmga yo‘t bo‗lgan 
boshqa mikroflora paydo bo‗ladi. Organizmga yo‘t bo‗lgan mikroflora qator salbiy 
hodisalarga (avitaminoz, boshqa infeksiyalar qo‗shilishi, allergik holat va 
boshqalarga) sabab bo‗ladi.
 
Afsuski, hozir antibiotiklarga ortiqcha ruju ko‘yilgan. 
Masalan, poliklinikalarda bemorlarning 70 foiziga zaruriyat bo‗lmagan 
hollarda antibiotiklar bilan davolash buyuriladi. Bunday nojo‗ya xarakatlar avvalo 
antibiotiklar behuda ishlatilib, oxiri ba‘zilarining tansiq bo‗lib qolishiga olib 
keladi, ikkinchidan, eng muhimi, mikroblarning ana shu antibiotiklarga sezgirligi 
kamaya boradi va ular bu dorilarga o‗rganib, chidamli bo‗lib qoladilar. Oxirgi 
yillarda antibiotiklarning ta‘siri umuman sezilarli darajada kamayganini aloxida 
ta‘kidlab o‗tish lozim. So‗nggi paytlarda disbakterioz holatiga qarshi preparatlar – 
kolibakterin, bifidum bakterin, Enterojermin, Lakto–J, Xilak-forte, bifikol, 
laktobakterinlar keng qo‗llanilmoqda.