O’zbekiston respublikasi oliy va o’rta maxsus ta’lim vazirligi al-xorazmiy nomli

Tadqiqotlar 2014-2016 yillarda Xorazm viloyati va Qoraqalpog’iston respublikasining quyidagi hududlarida olib borildi.

Baday-To’qay qo’riqxonasi – Qoraqalpog’iston Respublikasining Beruniy va Kegeyli tumanlarida joylashgan, 1971-yilda tashkil qilingan. Umumiy maydoni 6481 ga ni tashkil qiladi. O’simliklar qoplami 35 oilaga mansub 105 Avlodga kiruvchi 285 turdan iborat. Asosiy o’simliklar terak (Populus), tol (Salix), jiyda (Elaeagnus), yulg’un (Tamarix) kabilardan iborat.

Aqchako’l- Qoraqalpog’iston Respublikasining Ellikqal’a tumanida joylashgan ko’l biotsenozi bo’lib, kattaligi 12 km dan ortiq hisoblanadi. Asosiy o’simliklari qamish (Phragmites) va boshqa o’t-o’simliklardan iborat.

CHolish – Amudaryoning o’ng qirg’og’ida joylashgan aholi punkti bo’lib, daryo qirg’og’i bo’ylab to’qay tipidagi o’simlik fitotsenozi mavjud. Biotsenozga yaqin hududlarda g’o’za va sholi ekinlari ekilgan dalalar joylashgan.

Tollik to’qay – Gurlan tumani Vazir fermerlar uyushmasi hududida joylashgan to’qay massivi bo’lib, terak (Populus), tol (Salix), jiyda (Elaeagnus) o’sadi.