O‘zbekiston respublikasi oliy va o‘rta maxsus ta’lim vazirligi abdulla qodiriy nomidagi jizzax davlat pedagogika instituti yarmatov r. B., Axmedshina f. A

Tashqi taqrizda:
1. Dissertatsiya mavzusining dolzarbligi;
2. Tadqiqotning yangiligi va dissertatsiya ishining ilmiy-amaliy 
natijalarini asoslab berishi;
3. Dissertatsiyaning amaliyot uchun ahamiyati;
4. Dissertatsiya mazmuni va uning tugallaganligi darajasi;
5. Olib borilgan tadqiqotning ilmiy va amaliy qiymati;
6. Dissertatsiyaning magistrlik dissertatsiyalari talablariga mosligi 
bayon etilishi kerak.
Taqriz hajmi odatda 3-5 betdan iborat bo‘lib, taqrizchining shaxsiy 
imzosi qo‘yiladi, berilgan sana va ro‘yxatga olinganlik raqami 
ko‘rsatiladi. Taqrizchi imzosi u ishlaydigan tashkilot tomonidan muhr 
bilan tasdiqlanishi shart. Tugallangan dissertatsiyani magistrant kasbiy 
ta’lim dasturi bo‘yicha shaxsiy ish rejasini bajarganligi to‘g‘risidagi 
ma’lumotnoma, shuningdek, rahbar xulosasi va tashqi taqriz bilan birga 
dastlabki himoyadan o‘tish uchun kafedraga taqdim etadi.
Kafedraning ilmiy to‘plamida chop etish uchun magistrlik 
dissertatsiyasining 1,5 oraliq (interval)da yozilgan 12-18 bet hajmdagi 
dissertatsiyaning asosiy mazmuni yoritilgan tavsifini tavsiya etish talab 
qilinadi. Kafedra mudiri dissertatsiya ishi bilan tanishib, himoyaga 
qo‘yish to‘g‘risida qaror qabul qiladi va kafedra bo‘yicha barcha 
bitiruvchilar ishtirokida dastlabki himoyani tashkil etadi. Dastlabki 
himoya o‘tgandan so‘ng kafedra mudiri barcha materiallarni Davlat 
attestatsiya komissiyasiga topshiradi. Magistrantning o‘zi tomonidan 
tayyorlanadigan va Davlat attestatsiyasi komissiyasi yig‘ilishida 
so‘zlanadigan nutq matni himoya uchun eng zarur xujjatdir. Shuni 
nazarda tutish kerakki, nutq matni nafaqat dissertatsiyaning sifatini, 

---

33 
shuningdek magistrantning dissertatsiya ustida olib borgan barcha ishlari 
natijasini baholaydi. Dastlabki himoyadan o‘tmagan yoki himoyaga 
tavsiya etilmagan har qanday dissertatsiya ishi «TUGALLANMAGAN» 
deb, dastlabki himoyadan o‘tgan, biroq ochiq himoyadan chetlatilgan 
dissertatsiya ishi «HIMOYA QILINMAGAN» deb hisoblanadi.