O‘zbekiston respublikasi oliy va o‘rta maxsus ta‘lim vazirligi abu ali ibn sino nomidagi buxoro davlat tibbiyot instituti

 
11-savol. 
Uch shoxli nerv nevralgiyasining sezuvchi va harakatlantiruvchi qismining 
zararlanish belgilari. 
 
Javob: 
Sezuvchi qismining zararlanish belgilari: 
Uch shoxli nerv zararlanganda 
zararlangan shoxcha sohalarida og‘riqni sezish, harorat va taktil sezgilarning yo‘qolishi 
(anesteziya), pasayishi (gipesteziya) yoki oshishi (giperesteziya) paydo bo‘lishi mumkin. 
Uch tarmoqli nervning 
substantio gelatinosa
sezgi yadrosi zararlanganda yuzning shu 
tomondagi yarmida taktil sezgi saqlangan holda og‘riq va harorat sezgilari yo‘qoladi 
(dissotsiatsiyalashgan sezgi o‘zgarishi). Uch tarmoqli nervning o‘zi yoki uning biror 
tarmog‘i ta‘sirlansa bu nervning nevralgiyasi sodir bo‘ladi. Bunda ta‘sirlangan tarmoq 
sohasida to‘satdan zo‘rayib boruvchi chidab bo‘lmaydigan og‘riq paydo bo‘ladi. Bunda 
ko‘zdan yosh oqishi, yuzning qizarib ketishi, ba‘zan esa chaynov muskullarining tonik 
qisqarishi ro‘y beradi.