O’zbekiston respublikasi oliy va o’rta maхsus ta’lim vazirligi o‘zbekiston respublikasi madaniyat va sport ishlari vazirligi

Muammoli vaziyat 

Gandbol sport turi bo‘yicha O‘zbekiston Universiadasi Farg‘ona-2016 musobaqalarida 
Toshkent shahri, o‘g‘il bolalar jamoasi muvaffaqiyatsiz ishtirok etdi va yakunda umum jamoa 
xisobida past o‘rinlardan birini yani 3-o‘rinni egalladi.
Muammoni echish yo‘llari.

1. ROZTMda faoliyat yuritayotgan murabbiylarning faoliyatini tahlil etish; 

2. “Umid nihollari” va “Barkamol avlod” sport musobaqalaridagi natijalarini tahlil etish; 

3. Toshkent shahri terma jamoasi a’zosi bo‘lgan yoshlarni kollej va akademik litseydan 
keyingi faoliyatini tahlil etish; 

4. Toshkent shahri terma jamoasining “Universiada” musobaqalariga saralash jarayonini 
tahlil etish. 
Muammoning yuzaga kelish sabablari. 

a) avvalo, ROZTMlarda faoliyat olib borayotgan murabbiylarning bilimi va tajribasi yuqori 
darajada emasligini qayd etish lozim. SHu bilan birga yoshlarni sportga aynan, gandbol sport turiga 

---

195 
saralash bosqichi jarayoni deyarli o‘tkazilmagan. ROZTMning boshlang‘ich tayyorlov guruhi ko‘r-
ko‘rona shakllantirilgan va buning oqibatida ijobiy natijaga erishilmagan; 

b) boshlang‘ich tayyorlov va undan keyingi guruhlarda mashg‘ulotlar to‘g‘ri tashkil 
etilmagan va mashg‘ulot yuklamalarini taqsimlashda ham kamchiliklar mavjud. 

v) “Umid nihollari” va “Barkamol avlod” sport musobaqalarida natijalar yuqori bo‘lmasada, 
lekin sovrinli o‘rinlarni qo‘lga kiritib kelgan. Terma jamoa a’zosi bo‘lgan yoshlarni kollej va 
akademik litseydan keyingi faoliyatini tahlil etish orqali natija ko‘rsatuvchi sportchi yoshlar kollej 
va akademik litseydan keyin oliy o‘quv yurtlariga ma’lum sabablarga ko‘ra o‘qishga kira 
olmaganini ko‘rishimiz mumkin. O‘z-o‘zidan ma’lumki, natija beruvchi sportchilar OTMga kira 
olmaganidan keyin institut va universitet terma jamoasini boshidan shakllantirishga to‘g‘ri keladi.

g) Toshkent shahri terma jamoasining “Universiada” musobaqalariga saralash paytida 
yuqori natija ko‘rsatuvchi sportchi talabalarning kamligi o‘zaro raqobatning pastligiga sabab 
bo‘ladi. Hududda kuchli raqobat yo‘qligi uchun murabbiylar “boriga baraka” qabilida ish tutadi va 
musobaqaning final bosqichida muvaffaqiyat qozona olmaydi. 
XULOSA 

Xulosani tavsiyaviy ahamiyatliligini e’tiborga olib ta’kidlash lozimki, yuqorida qayd etilgan 
muammoni yuzaga keltirgan sabablarni bartaraf etish uchun quyidagi ishlarni amalga oshirmoq 
lozim: 

Birinchidan, OTM larga malakali va tajribali murabbiylarni jalb etish va mavjudlarini 
malakasini oshirish lozim. Malakali murabbiylar sportning takomillashuv guruhlariga talabalarni 
qat’iy tartibda saralab olsagina sport natijalarini yaxshilashga erishish mumkin; 

Ikkinchidan, malakali murabbiy qo‘l ostidagi talabalarga zamonaviy mashg‘ulot uslublarini 
qo‘llashi, har bir mashg‘ulotga mas’uliyat va ijodkorlik bilan yondashishi muhim; 

Uchinchidan, ko‘p yillik tayyorlov tizimining har bir bosqichida muntazam shug‘ullanib 
kelgan sportchilardan natija kutish mumkin. Shu bilan birga mashg‘ulotlar uzluksizligi va izchilligi 
ta’minlanishi lozim; 

To‘rtinchidan, gandbol sport turi bilan shug‘ullanuvchi o‘quvchi yoshlarni maktab, 
kollejlardagi o‘qishi va o‘zlashtirishini ota-onalar bilan hamkorlikda murabbiy ham nazoratga olishi 
kerak. Buning oqibatida sport natijalari bilan birga ularning bilimi ham oshib boradi.

Beshinchidan, gandbol sport turini ommaviyligini oshirish maqsadida joylarda, 
mahallalarda, gazeta-jurnallarda va OAVda targ‘ibot tashviqot ishlarini olib borish ahamiyatli. Bu 
orqali o‘quvchi yoshlarni sportga keng jalb etishga erishiladi. Sport inshootlari va majmualar 
shug‘ullanuvchilar bilan to‘lib tursa o‘z-o‘zidan raqobat yuzaga keladi. Kelajakda shu sport turi 
bilan shug‘ullanuvchilarni eng saralarini tanlab olish imkoni paydo bo‘ladi.