O‘zbekiston respublikasi oliy va o‘rta mahsus ta’lim vazirligi nizomiy nomidagi toshkent davlat pedagogika universiteti sirtqi (maxsus sirtqi) bo‘limi, “Masofaviy ta’lim” kafedrasi Himoyaga tavsiya etilsin

XULOSA…………………………………………………………………………….32

TAYANCH SO‘ZLAR LUG‘ATI…………………………………………………33

FOYDALANILGAN ADABIYOTLAR RO‘YHATI…………………………….34

MAVZU: BOLALAR NUTQINI O‘STIRISHNING PEDAGOGIK-PSIXOLOGIK MUAMMOLARI.

KURS ISHINING UMUMIY TAVSIFI

Mavzuning dolzarbligi. Hozirgi kunga kelib maktabgacha yoshdagi bolalar ta’lim-tarbiyasiga e’tibor va talab nihoyatda ortib bormoqda. Bolalarga zamonaviy bilim berish, turmush sharoitlarini yaxshilash, oilada va oiladan tashqari bolalar salomatligini muhofaza qilish masalalariga alihida e’tibor qaratilmoqda.

Jumladan, O‘zbekiston Respublikasi Prezidentining PF-5190 2017-yil 30-sentyabrdagi “Maktabgacha ta’lim tizimini boshqarish va tubdan takomillashtirish chora-tadbirlari to‘g‘risida”gi me’yoriy hujjat maktabgacha ta’lim sohasidagi qator kamchiliklarni inobatga olgan holda qabul qilindi. Ushbu hujjatga ko’ra maktabgacha ta’lim vazirligi tashkil etildi va sohada qator ijobiy o‘zgarishlar amalga oshirildi. Yangi “Ilk qadam” nomli o‘quv dasturi tasis etildi. Maktabgacha ta’lim muassasasining davlat o‘quv dasturi “O‘zbekiston Respublikasining ilk va maktabgacha yoshidagi bolalarni rivojlantirish borasidagi Davlat talablari”ga muvofiq ishlab chiqilgan me’yoriy-huquqiy hujjat bo‘lib, unda maktabgacha ta’lim muassasasining maqsad va vazifalari, o‘quv-tarbiyaviy faoliyatning asosiy g‘oyalari, maktabgachayoshdagi bolalarni ta’limning keyingi bosqichiga o‘tishidagi asosiy kompetensiyalari belgilab berilgan.

O‘zbekiston Respublikasi Prezidentining 2017-yil 30-sentyabrdagi PQ-3305-son “O‘zbekiston Respublikasi Maktabgacha ta’lim vazirligi faoliyatini tashkil etish to‘g‘risida”gi qarori hamda O‘zbekiston Respublikasi Prezidentining 2016-yil 29-dekabrdagi PQ-2707-son “2017-2021-yillarda maktabgacha ta’lim tizimini yanada takomillashtirish chora-tadbirlari to‘g‘risida”gi qaroriga muvofiq O‘zbekiston Respublikasi Maktabgacha Ta’lim vazirining buyrug‘iga binoan 2018-yil 18-iyul 1-MX-sonli buyrug‘I bilan O‘zbekiston Respublikasining “Ilk va Maktabgacha

Yoshdagi Bolalar Rivojlanishiga Qo‘yiladigan Davlat Talablari” tasdiqlandi.

Ma’lumki, bolalarni maktab ta’limiga tayyorlarda ularning nutqini o‘stirishga doir qator ishlar olib boriladi. Bola butun yon atrofidagi informatsiyani nutq vositasi yordamida egallab boradi. Bolalar nutqini rivojlantirishda esa pedagogi va psixologik muammolarni o‘rganib bartaraf etish chora-tadbirlari ko‘rilishi ijobiy natijaga erishishda asos bo‘lib xizmat qiladi. Bu borada “O‘zbekiston Respublikasining ilk va maktabgacha yoshdagi bolalar rivojlanishiga qo‘yiladigan Davlat talablari” va Ilk qadam” davlat tayanch dasturida ham alohida e’tibor qaratilgan.

Shu sabab maktabgacha ta’lim tashkilotlarida olib boriladigan faoliyatlar pedagogik-psixologik jihatdan organilib shu asosda ishlar tizimi ishlab chiqilishi maqsadga muvofiqdir.