O’zbеkistоn rеspublikаsi оliy vа o’rtа mахsus tа’lim vаzirligi nizоmiy nоmidаgi tоshkеnt dаvlаt pеdаgоgikа univеrsitеti

Мазмуни
Ўзбекистон Республикаси Конституциясининг тегишли моддалари
1.	Оила жамиятнинг асосий бўғини бўлиб, жамият ва давлат муҳофазасида бўлиш ҳуқуқига эга. Никоҳ томонларнинг ихтиёрий розилиги ва тенг хуқуқлилигига асосланган ҳолда тузилади	63-модда
2.	Ҳуқуқий нуқтаи назардан ота-оналар ўз фарзандларини вояга етгунларига қадар боқиш ва тарбиялашга мажбурдир	64-модда
3.	Фарзандлар ота-оналарнинг насл-насабидан ва фуқаролик ҳолатидан қатъий назар қонун олдида тенгдирлар	65-модда
4.	Вояга етган, меҳнатга лаёқатли фарзандлар эса ўз ота-оналари ҳақида ғамхўрлик қилишга мажбурдирлар	66-модда

Никоҳ, оилавий муносабатлар ва оилада фарзандлар тарбиясини ташкил этиш масалалари Ўзбекистон Республикасининг Оила кодексида кенг ва батафсил ёритилган.

Ўзбекистон Республикасининг Оила кодекси 1998 йилнинг 30-апрелида қабул қилинган бўлиб, у 8 та бўлим, 30 та боб ҳамда 238 та моддадан иборат.

Оила кодекси давлат томонидан изга солиниши талаб қилинадиган муносабатларни тартибга солиб туради, қолаверса, никоҳдан ўтиш тартиби ва шартларини белгилайди; оилада эр-хотин ўртасида, ота-оналар ва болалар, оиланинг бошқа аъзолари ўртасида пайдо бўладиган шахсий ва мулкий муносабатларни тартибга солиб туради; бошқаларнинг болаларини ўзига бола қилиб олиш, васийликка олиш, ҳомийлик қилиш, болаларни ўз тарбиясига олиш муносабати билан вужудга келадиган муносабатларни тартибга солиб туради; никоҳни бекор қилиш тартиби ва шартларини белгилайди; фуқаролик ҳолати тўғрисидаги ҳужжатларни рўйхатдан ўтказиш тартибини белгилайди⁴⁵.

Маълумки, ҳар қандай меъёрий ҳужжатлар, шу жумладан, республика қонун (ёки кодекс)лари ҳам муайян вазифани ҳал этишга хизмат қилади. Ана шу нуқтаи назардан Ўзбекистон Республикасининг Оила кодекси оилаларни мустаҳкамлаш, оилавий муносабатларни ўзаро муҳаббат, ишонч ва ҳурмат, ҳамжиҳатлик, бир-бирига ёрдам бериш ҳамда оила олдида унинг барча аъзоларининг масъулликни ҳис этиши, бирор-бир шахснинг оила масалаларига ўзбошимчалик билан аралашшишига йўл қўймаслик, оила аъзолари ўз ҳуқуқларини тўсқинликсиз амалга ошириш ҳамда бу ҳуқуқларни ҳимоя қилиш каби вазифаларни ижобий ҳал этишга хизмат қилади⁴⁶.