O’zbekiston respublikasi oliy va o’rta- maxsus ta’lim vazirligi

Dorivor preparatlari. Suyuq ekstrakt.

Makkajo‘xorini o‘stirish texnologiyasi

Makkajo‘xori issiqsevar o‘simlik, o‘suv davri 90—150 kun, urug‘lari tuproq harorati 10°S bo‘lganda 10—12 kunda unib chiqadi, 20—24°S da normal o‘sib rivojlanadi. Makkajo‘xori ekish uchun begona o‘tlardan toza, sho‘rlanmagan, sizot suvlari chuqur joylashgan unumdor yerlar tanlanadi. Yerlar kuzda 28—30 sm chuqurlikda shudgorlanadi, gektariga 20—30 tonna go‘ng va 60—80 kilogramm sof fosfor hisobidan o‘g‘it solinadi. Erta bahorda yerlar boronalanadi yoki yoppasiga kultivatsiya qilinadi. Urug‘lar qator oralari 60, 70 va 90 sm qilib qator uyalab, ko‘k massa uchun 25—30 kilogramm normada SKGN-6N markali seyalkada 6—12 sm chuqurlikda ekiladi. O‘suv davrida 70—80 kg azot, 60—80 kg fosfor bilan oziqlantiriladi. Makkajo‘xorini ikkinchi marta 80—100 kg azot, 50—60 kg fosfor, 40—50 kg kaliy hisobidan oziqlantiriladi.

Makkajo‘xorini o‘suv davrida 2—3 marta kultivatsiya qilinib begona o‘tlardan tozalanadi, 4—6 marta sug‘oriladi. Makkajo‘xori ko‘kati uchun ro‘vak chiqarguncha, silos uchun doni dumbul bo‘lib yetilganda va doni uchun to‘la yetilganda yig‘ishtiriladi.
Makkajo‘xori o‘rtacha gektaridan 50 sentner don va 250—300 sentner ko‘k massa olish mumkin.
Makkajo‘xorini zararlaydigan hasharotlar 70 ga yaqin turi bor. Asosiylari: ko‘sak qurti, karadrina, kuzgi tunlam, makkajo‘xori kapalagi va boshqalar. Bu hasharotlar makkajo‘xorini bargi, so‘tasi, guli va ro‘vaklarini zararlaydi. Bularga qarshi kurashish uchun yerlar chuqur haydalib, kuzda yaxob suvi berilishi kerak. Asosan o‘simlik qoldiqlari va begona o‘tlar yo‘qotilishi lozim. Makkajo‘xorini ertaroq ekilsa, o‘z vaqtida oralariga ishlov berilsa va insektitsidlardan foydalanilsa maqsadga muvofiq bo‘ladi.
Mahsulot tayyorlash. O‘simlik mevasi pishib yetilmasdan onalik gulining ustunchasi yig‘ib olinadi va soya yerda quritiladi.