O’zbekiston Respublikasi Oliy va O’rta- maxsus Ta’lim Vazirligi Maktabgacha va boshlang’ich ta’lim

O’zbekiston Respublikasi
Oliy va O’rta- maxsus Ta’lim Vazirligi
Maktabgacha va boshlang’ich ta’lim fakulteti
5A 111801 –Ta’lim va tarbiya nazariyasi (Maktabgacha ta’lim) yo’nalishi
2- kurs 217-guruh magistranti Allayorova Gulnozaning
III SEMESTR ILMIY – PEDAGOGIK ISH, ILMIY TADQIQOT ISHI VA MAGISTRLIK DISSERTATSIYASINI TAYYORLASH REJASI BO`YICHA BAJARILGAN ISHLARI YUZASIDAN

HISOBOT

Ilmiy rahbar: p.f.d., prof.M.N.Egamberdiyeva
SamDU Maktabgacha va boshlang`ich ta’lim fakulteti Ta’lim va tarbiya nazariyasi va metodikasi ( maktabgacha talim) yo’nalishi Maktabgacha ta’lim nazariyasi va metodikasi kafedrasi 2-kurs magistranti Allayorova Gulnozaning 2021-2022 o’quv yili uchun (yarim yillik sentabr-noyabr)
HISOBOTI
Men, Allayorova Gulnoza 2021-2022 o’quv yilida SamDU Maktabgacha va boshlang`ich ta’lim fakulteti, Ta’lim va tarbiya nazariyasi va metodikasi (maktabgacha ta’lim) yo’nalishi Maktabgacha ta’lim nazariyasi va metodikasi kafedrasida shaxsiy kalendar ish rejada ko’rsatilgan bandlar bo’yicha quyidagi ishlarni bajardim:


Ilmiy pedagogik ishlar
Semestr davomida o`tilgan Maktabgacha ta`limni boshqarishning ilmiy asoslari (prof. SH. Taylanova, dots. D, Narziqulova), Maktabgacha yoshdagi bolalarni tabiat bilan tanishtirish (dots V.Agzamov), Maxsus fanlarni o`qitish metodikasi (prof. M. Tursunova) fanlaridan olib borilgan ma`ruza, seminar va amaliy mashg`ulot darslarida faol ishtirok etdim. Ustozlar tomonidan mavzu yuzasidan berilgan axborotlarni va qimmatli nazariy ma`lumotlarni o`rganib, topshiriqlarni o`z vaqtda bajarishga harakat qildim. Ularning dars davomida qo`llagan yangi pedagogik va axborot texnologiyalarini o‘rgandim.
Shu bilan bir qatorda kafedramizning ilg’or pedagog dotsent, professor o‘qituvchilarining ma’ruzalari va amaliy mashg‘ulotlariga kirdim, ularning tajribalarini, ma’ruza va amaliy mashg‘ulotlarni tashkil etishlarini kuzatdim. Ularning dars o’tish taktikasini, metodlarini o’rganishga harakat qildim.
Hozirda esa kafedrada olib boriladigan fanlarning o‘quv dasturlari bilan tanishdim, ularni ishlab chiqish mexanizmini o‘rgandim, belgilangan fanlardan o‘quv dasturi ishlab chiqish, dastur asosida fan mavzulari bo‘yicha kalendar ish reja tuzish va o‘quv reja bilan solishtirish ishlarini o`rganib boryapman.
O’quv metodik fanlar bo’yicha ma’ruzalar majmuasini tayyorlash, amaliy mashg‘ulotlar o‘tkazish uchun o‘quv materiallari (uslubiy ishlanmalar, prezentatsiyalar, tarqatma materiallar, testlar, savollar va boshqalar) tayyorlash bo’yicha ko’nima hosil qilayapman. Ma’ruzalarni tashkil etish ishlarini o`rganyapman. Ma`ruza materiallari uchun ma`lumotlar, amaliy mashg`ulotlar uchun turli axborot va topshiriqlar, fan yuzasidan testlar, nazorat savollari, glossari tuzish, oraliq va yakuniy nazoratlar savollarini tayyorlash bo‘yicha ko‘nikma hosil qildim.
Amaliy mashg‘ulotlar, seminarlar olib borishga tayyorgarlik ko‘rish, kafedra tomonidan belgilangan guruhlarda amaliy va qo‘shimcha mashg‘ulotlarni tashkillashtirish ‎ ishlarini amalga oshirdim.
Talabalar mustaqil bilim olishinining tashkiliy va o‘quv-uslubiy ta’minotini o‘rgatish bo`yicha talabalarga maslahat va ko`rsatmalar berishda ko`maklashdim. Belgilangan fanlar bo‘yicha talabalar uchun mustaqil ishlarini tashkil qilish, ularga maslahatlar berish, mustaqil ishlarni qabul qilish va baholash ishlarida faol qatnashdim.
Yangi pedagogik va axborot texnologiyalarini o‘rganish va o‘quv jarayonida tatbiq etish bo‘yicha ko`plab ishlarni amalga oshirdim. Semestr davomida o`tilgan barcha darslar uchun ajratilgan seminar, amaliy mashg`ulot, mustaqil ta`lim va kurs ishlarini referat, prezintatsiya ko`rinishida tayyorlab mavzularni noan`anaviy tarzda yoritishda faol qatnashdim.
Guruhlarda tarbiyaviy ishlar olib borishn, axborot soatlari, davra suhbatlari va boshqa tadbirlar uchun materillar yig‘ish, ma’ruzalar tayyorlash va tadbirlar tashkil qilish ishlarini o`rganyapman.
Fakultet, dekanat, kafedra faoliyatini tashkil etish bo‘yicha me’yoriy hujjatlarni o‘rganyapman, vazirlik, rektorat va boshqa yuqori tashkilotlardan kelgan qarorlar, buyruqlar, topshiriqlar va so‘rovlarga javoblar va ma’lumotlar tayyorlash, hisobotlar tayyorlash ishlarini o`rganyapman