O’zbekiston Respublikasi mustaqil huquqiy demokratik davlat, erkin fuqarolik jamiyati qurish yo’lidagi ulkan maqsadlarni, imkoniyatlarni ro’yobga chiqarishda bolaning aqliy-amaliy va intelektual qobilyatini rivojlantirish juda muhim

Qiziriq tuman Yangi hayot mahalla,
diniy ma’rifat vaMa’naviy- ahloqiy,
tarbiya bo’yicha maslahatchisi: Z.Tursunova


FIKR SO’ZI
Dilfuza Xo’shnayeva Qiziriq tumanidagi 14-umumiy o’rta ta’lim maktabining boshlang’ich sinf o’qituvchisi. U darsini zamonaviy usullardan foydalangan holda o’tish bilan birga doimo o’z ustida tinmay ishlaydi. Natijada viloyat, respublika miqyosidagi turli bellashuvlarda iste’dodini charxlab boryapti. Shu bilan birga ijodiy mashqlari matbuotda tez-tez chop etiladi. Demak, unda bularning bariga ulguradigan vaqt, izlanadigan qobilyat bor.
“Intilganga tole yor” deganlaridek uning bir qancha qo’llanmalari nashr etilib kelinmoqda.Shulardan biri yaqinda “O’yla bolajon!” nomli metodik qo’llanmasi nashr etilmoqda. Izlanuvchan muallima pedagogik tajribasidan kelib chiqib “Boshlang’ich sinflarda ta’lim jarayonida didaktik o’yinlardan foydalanish” bo’yicha o’qituvchilarga nafi tegadigan risola yaratdi. Rangli rasmlar asosida yaratilgan qo’llanmalardan nafaqat muallimlar, balk iota-onalar ham foydalanishi mumkin.
“Ertak kubiklari”, “Ertaklar olamida”, “O’ylab toping”, “Boshqotirmalar”, “Yosh musavvir”, “Maqolni ayting” kabi rasmlar bilan berilgan didaktik o’yinlar bolalarning dunyoqarashini kengaytiradi, qobilyatini o’stiradi. Ularni topqirliqqa, bilag’onlikka, zukkolikka undaydi.
Mutaxassis sinovidan o’tgan qo’llanma boshlahg’ich sinf o’qituvchilari uchun yaxshi sovg’a bo’lgan.
N.Ko’chkin (Norqo’vvat To’rayev)
“Baqtrirya” gazetasi
2010 yilning 15 sentabr. 17-soni.


FIKR SO’ZI
O’zbekiston Respublikasi mustaqil huquqiy demokratik davlat, erkin fuqarolik jamiyati qurish yo’lidagi ulkan maqsadlarni, imkoniyatlarni ro’yobga chiqarishda bolaning aqliy-amaliy va intelektual qobilyatini rivojlantirish juda muhim hisoblanadi. Ushbu metodik qo’llanma kichik yoshdagi bolalarning intelektual qobilyatini, aqliy faoliyatini shu bilan birga mustaqil fikirlashni rivojlantirishda o’qituvchi uchun yaxshi qo’llaniladi.
Bu qo’llanmada ta’lim jarayonida qo’llash mumkin bo’lgan bir qator didaktik o’yinlar berilgan bo’lib, bu o’yinlarni ta’limning maqsadini amalga oshirishda, yangi pedagogik texnalogiyalar asosida darsni tashkil etishda qo’llash maqsadga muvofiq. Bunday tashkil etilgan o’yinlar nafaqat bolaning aqliy faoliyatini rivojlantirishda balki o’qituvchining ham kasb mahoratini oshirishda xizmat qiladi. Bizga ma’lumki yangi ta’lim konsepsiyasida va “Kadrlar tayyorlash milliy dasturida” ta’lim ijtimoiy-iqtisodiy rivojlanishining ustivor yo’nalishi qilib belgilandi. Shunday ekan o’qituvchining ijodiy ishi ta’lim berish jarayonida juda katta rol o’ynaydi. Bu qo’llanmadan boshlang’ich sinf o’qituvchilari keng miqyosida fanlarida qo’lashi mumkin.