O‘zbekiston respublikasi mudofaa vazirligi

Zamonaviy  umumqo‘shin  jangining  o‘ziga  xos  xususiyatlari  -  bu  jangga  tegishli 
bo‘lgan holatlar va xususiyatlarning umumlashgan belgilaridir. Jangning xususiyatlari (belgilari) 
uning  material  jihatdan  ta’minlanishiga  qarab  o‘zgaradi.  Birinchi  jahon  urushi  davrida  kurash 
vositalarining nisbatan sekin rivojlanishi janglar qamrovining chegaralanganligi, sur’ati va jur’ati 
pastligini  ko‘rsatdi.  Ikkinchi  jahon  urushi  davrida  esa  aksincha,  jang  olib  borish  vositalari 
sifatining  keskin  ko‘tarilishi,  miqdor  jihatdan  ortishi,  jangga  yangi  ma’no  kashf  etib,  jangning 
yuqori  manyovrchanligini  va  o‘zgarib  boruvchi  shiddatligini  yuzaga  keltirdi.  Qo‘shinlarda 
zamonaviy  qurollar  va  yangi  texnika  turlarining  qo‘llanishi  va  ta’minlanishi,  jangovar  faoliyat 
olib borishga katta o‘zgarishlar kiritdi va jang olib borish tavsiflari va usullarini o‘zgartirdi.