O‘zbekiston respublikasi mudofaa vazirligi

Zamonaviy  umumqo‘shin  jangi  tushunchasining  ma’nosi  deganda  o‘tmishda  bo‘lib 
o‘tgan  qurolli  hodisa  va  to‘qnashuvlardan,  avvalambor,  o‘tgan  urushlardan  farqi  tushuniladi. 
Jang  tushunchasining  mazmuni  deganda  uning  ichki  ma’nosi  to‘plamlari,  tarkibiy  qismlari  va 
elementlarining  mujassamlangan  bayoni  yotadi.  O‘qotar  qurol  paydo  bo‘lgunga  qadar  qadim 
zamonlardan  buyon  jang  tushunchasi  sovuq  qurol  bilan  qurollangan  jangchilarning  qo‘l  janggi 
bilan cheklanib kelingan edi. 
O‘qotar qurolning rivojlanishi, takomillashib borishi bilan jang qilayotgan tomonlarning 
bevosita to‘qnashuvga  kirmay (lekin bu holni  to‘la istisno qilmay)  masofadan  turib kurash  olib 
borish imkonini  yaratgan o‘t ochish jangning asosiy elementiga aylanib bormokda va shu bilan 
harbiy ishning sezilarli rivoji bo‘lgan jangning harakat ko‘lami kengaymokda. 
Jang maydonidagi muvaffaqiyatga qo‘shinlarning ommaviy raviщda artilleriya to‘plari, 
pulemyotlar  bilan  ta’minlanishi,  tanklar  va  aviatsiyaning  qo‘llanilishi,  unda  ishtirok  etayotgan 
barcha  qo‘shinlar  turi  bo‘linma  va  birlashmalarining  kelishilgan  harakatlari  bilan  erishilmokda. 
Jang  umumqo‘shin  jangi  shakli  ko‘rinishiga  tobora  o‘xshab  bormokda,  harakat  ko‘lami  esa 
yanada kengaymoqda.