O’zbekiston respublikasi mudofaa vazirligi tarbiyaviy va mafkuraviy ishlar bosh boshqarmasi

Usulning maqsadi. Tinglovchilarni mashg’ulotda o’tilgan mavzuni egllaganligi va mavzu bo’yicha tayanch tushunchalarni o’zlashtirib olinganlik darajalarini aniqlash, mustaqil ravishda o’zlarining bilim darajalarini baholay olish, shuningdek, o’z bilimlarini bir tizimga solishga o’rgatish.

Usulning qo’llanilishi: o’quv mashg’ulotlarining barcha turlarida (dars boshlanishi yoki dars oxirida yoki o’quv predmetining biron-bir bo’limi tugallanganida) o’tilgan mavzuni o’zlashtirilganlik darajasini baholash, takrorlash, mustahkamlash yoki oraliq va yakuniy nazorat o’tkazish uchun, shuningdek, yangi mavzuni boshlashdan oldin tinglovchilarning bilimlari tekshirib olish, ko’nikma, malakalarini aniqlab olish uchun mo’ljallangan. Ushb usulni mashg’ulot jarayonida yoki mashg’ulotning bir qismida yakka tartibda tashkil etish mumkin.

Mashg’ulot uchun kerakli vositalar: tarqatma materiallar (imkon bo’lsa, bo’lmasa tinglovchilar o’z daftarlariga jadvalni chizib olishlari, berilgan vazifa va topshiriqlarni mashg’ulot o’tuvchi tomonidan eshitib javoblarini jadvalning kataklariga to’latishlari shart); jadval uchun topshiriqlar; qalam (yoki ruchka); taqdimot

- slaydlar va b.

Izoh: reja bo’yicha belgilangan mavzu asosida hamda mashg’ulot o’tuvchi qo’ygan maqsadi (tekshirish, mustahkamlash, baholash)ga mos tayyorlangan tarqatma materiallar tayyorlanadi.