O’zbekiston Respublikasi Moliya vazirligi Sog’liqni saqlash va sport tarmoqlarida byudjet siyosati

O’zbekiston Respublikasi Moliya vazirligi
Sog’liqni saqlash va sport tarmoqlarida byudjet siyosati
departamenti to’g’risida
N I Z O M I
I BOB. UMUMIY QOIDALAR
1. Mazkur Nizom O’zbekiston Respublikasi Moliya vazirligi (keyingi o’rinlarda Moliya vazirligi deb yuritiladi) Sog’liqni saqlash va sport tarmoqlarida byudjet siyosati departamenti (keyingi o’rinlarda – Departament deb ataladi) asosiy vazifalarini, funksiyalarini, xuquqlarini, javobgarligini, faoliyatini amalga oshirish va hisobdorlik doiralarini belgilaydi.
2. Sog’liqni saqlash va sport tarmoqlarida byudjet siyosati departamenti O’zbekiston Respublikasi Moliya vazirligi Markaziy apparatining tarkibiy bo’linmasi hisoblanib, vazirlikning sog’liqni saqlash va sport tarmoqlarida byudjet siyosatini amalga oshiradi, Qoraqalpog’iston Respublikasi Moliya vazirligi, viloyatlar va Toshkent shahar moliya bosh boshqarmalari (kelgusida - hududiy moliya organlari)ning sohalar bo’yicha tegishli bo’limlari faoliyatini muvofiqlashtiradi.
3. Departament faoliyatini muvofiqlashtirish vazifasi moliya vaziri tomonidan vazir o’rinbosarlarining biriga yuklatiladi.
4. Departament o’z faoliyatida O’zbekiston Respublikasi Konstitutsiyasi va qonunlari, O’zbekiston Respublikasi Oliy majlis palatalari, Prezidenti, Vazirlar Mahkamasining qarorlari, farmoyishlari, mazkur Nizom, moliya vazirligining buyruqlari yo’riqnomalari va topshiriqlari hamda boshqa qonun xujjatlari asosida faoliyat yuritadi.
5. Departamentning rasmiy nomlanishi:
a) davlat tilida:
to’liq – Sog’liqni saqlash va sport tarmoqlarida byudjet siyosati departamenti;
b) rus tilida:
to’liq – Departament byudjetnoy politiki v otraslyax zdravooxraneniya i sporta;
v) ingliz tilida:
to’liq – Department of budget policy in the spheres of health and sport;

II BOB. DEPARTAMENT TAShKILIY TUZILMASI

6. Departament tashkiliy tuzilmasiga quyidagilar kiradi:

1) Sog’liqni saqlash sohasini moliyaviy ta’minlash bo’limi;

2. 
   Sport va jismoniy tarbiya sohalarini moliyaviy ta’minlash shu’basi;
   
3. 
   Sog’liqni saqlash va sport sohalarini isloh qilish, yakuniy natijalarga erishishni baholash loyiha ofisi.
   

Departament direktoriga o’z vakolati va shtatlari doirasida mavjud tashkiliy tuzilmani takomillashtirish hamda xodimlarni lavozim pillapoyasida o’stirish maqsadida tasdiqlangan shtatlar doirasida qonunchilikka asosan tegishli o’zgartirishlar kiritish bo’yicha rahbariyatga takliflar berish xuquqi beriladi.

III BOB. DEPARTAMENT FUNKSIYaLARI VA VAZIFALARI