O’zbekiston Respublikasi moliya tizimi

O’zbekiston Respublikasi moliya tizimi

Moliya iqtisodiy kategoriya sifatida mamlakatning barcha ijtimoiy-iqtisodiy tizimida mavjud bo‘ladi.

O‘zbekiston Respublikasi iqtisodiyotini isloh qilishda moliyaning roli quyidagilarda namoyon bo‘ladi:

iqtisodiy barqarorlashuvda;

iqtisodiy munosabatlarning trnsformatsiyalashuvida;

moliya tizimining bozor islohotlariga moslashishida;

investitsion faollikning rag‘batlantirilishida;

ijtimoiy vazifalarning hal etilishida.

Makro va mikro ko‘lamda iqtisodiyotning barqarorlashuvi umumiy moliyaviy barqarorlikni ta’minlash bilan ajralmasdir. Shuning uchun makroiqtisodiy ko‘rsatkichlar bo‘lmish - YaIM va inflyatsiya, valyuta kursi, ishsizlik darajasi, to‘lov balansining holati, mehnatga haq to‘lash darajasi, aholi turli qatlamlari daromadlarining o‘zaro nisbati, kreditlar va depozitlar bo‘yicha foiz stavkalari kabilar o‘sish sur’atlarining monitoringi moliya sohasidagi real vaziyatni ob yektiv baholash imkonini beradi.

Iqtisodiy barqarorlikni ta’minlash mummosi, iqtisodiy nomutanosibliklarning, baholar keskin farqining, pul massasi qisqarishi va to‘lovga qobil talab kamayishining, xufiyona iqtisodiyotning real sektorga nisbatan tezroq o‘sishining, samarali xo‘jalik yuritish ehtiyojlaridan institutsional bazaning ajralib qolganligi kabi holatlarning mavjudligi bois yuzaga keldi.

Iqtisodiy barqarorlikka erishish uchun iqtisodiy munosabatlar transformatsiyalashuvi zarurdir.