O‘zbekiston Respublikasi ma'muriy javobgarlik to‘g‘risidagi kodeksining 227-moddasi. Bojxona nazorati zonasi rejimining buzilishi

Obekt: Bojxonaga doir qonun hujjatlari bilan tartibga solinadigan ijtimoiy munosabatlar;
Obektiv tomon: Huquqqa hilof qilmish, ya'ni ma'muriy huquqbuzalik ob'ektiga qaratilgan harakat yoki harakatsizlik, uning xususiyatlari va sodir etish yo‘llari xisoblanadi. Yuqoridagi huquqbuzarlik ham harakatda ham harakatsizlikda sodir etiladi. Chunki huquqbuzar tovarlarni va transport vositalarini O‘zbekiston Respublikasi chegarasidan bojxona organiga xabar bermasdan yoki yolgon xabar berib aldash yuli bilan olib utadi.
Harakat - tovarlarni va transport vositalarini O‘zbekiston Respublikasi chegarasidan bojxona organiga yolgon xabar berib aldash yuli bilan olib utadi.
Harakatsizlik - tovarlarni va transport vositalarini O‘zbekiston Respublikasi chegarasidan bojxona organiga xabar bermasdan olib o‘tishda namoyon bo‘ladi.
Subekt: Ma'muriy huquqbuzarlik sodir etgan paytda belgilangan yoshga to‘lgan bojxona nazorati ostida turgan tovarlar tashilishini amalga oshiruvchi yoki transport vositasidan foydalanish uchun mas'ul bo‘lgan vakolatli aqli raso jismoniy shaxslar;
Vakolatli shaxs - Tovarning va (yoki) transport vositasining egasi yoki tovarga va (yoki) transport vositasiga nisbatan bojxona to‘g‘risidagi qonun hujjatlariga muvofiq vakolatlarga ega bo‘lgan yoxud tovarning va (yoki) transport vositasining egasi nomidan tegishli shartnoma yoki ishonchnoma asosida ish ko‘ruvchi shaxs vakolatli shaxsdir. (BK-7-modda)
Subektiv tomon: Mazkur huquqbuzarlik qasddan sodir etiladi.
Xabar qilish - tovarlar yetkazib berilganidan keyin o‘ttiz daqiqadan kechiktirmay, tovarlar tovar kelib tushadigan bojxona organining ish vaqtidan tashqari paytida yetkazib berilgan taqdirda esa, bojxona organining ish vaqti boshlanganidan keyin o‘ttiz daqiqadan kechiktirmay amalga oshirilishi kerak.(BK-226-modda)
227²-modda. Falokat yuz bergan yoki yengib bo‘lmas kuch ta'sir etgan holda chora ko‘rmaslik
Falokat yuz bergan yoki yengib bo‘lmas kuch ta'sir etgan taqdirda O‘zbekiston Respublikasi Bojxona kodeksining 224-moddasida nazarda tutilgan chora-tadbirlarni ko‘rmaslik, —
fuqarolarga eng kam ish haqining ikki baravaridan besh baravarigacha, mansabdor shaxslarga esa — uch baravaridan yetti baravarigacha miqdorda jarima solishga sabab bo‘ladi.
Xuddi shunday huquqbuzarlik ma'muriy jazo chorasi qo‘llanilganidan keyin bir yil davomida takror sodir etilgan bo‘lsa, —
fuqarolarga eng kam ish haqining besh baravaridan yetti baravarigacha, mansabdor shaxslarga esa — yetti baravaridan o‘n besh baravarigacha miqdorda jarima solishga sabab bo‘ladi.

O‘zbekiston Respublikasi ma'muriy javobgarlik to‘g‘risidagi kodeksning 37-moddasiga asosan ma'muriy jazoga tortilgan shaxs shu jazoni o‘tash muddati tugagan kundan boshlab bir yil mobaynida yangi ma'muriy huquqbuzarlik sodir etmagan bo‘lsa, mazkur shaxs ma'muriy jazoga tortilmagan deb hisoblanadi.