O‘zbekiston Respublikasi ma'muriy javobgarlik to‘g‘risidagi kodeksining 227-moddasi. Bojxona nazorati zonasi rejimining buzilishi

Ob'ekt-O‘zbekiston Respublikasining bojxona chegarasi orqali tovarlar va transport vositalarini olib o‘tish tartibi.


Obektiv tomoni- mazkur huquqbuzarlik harakatda sodir etiladi.
Tovar va transport vositalarini bojxona organlari tomonidan belgilangan joylarni chetlab yoki bojxona rasmiylashtiruvining belgilangan vaqtidan tashqari paytda olib o‘tish – bu harakatdir.
Sub'ekt: 16 yoshga to‘lgan, aqli raso jismoniy shaxs.
Sub'ektiv tomoni: huquqbuzarlik qasddan sodir etiladi.
Shaxs tovar yoki boshqa qimmatliklarni bojxona chegarasidan g‘ayriqonuniy olib o‘tayotganligini anglab yetadi va o‘zinig g‘arazli maqsadini amalga oshirishni xohlaydi.
227²²-modda. Tovarlarni deklaratsiyalamaslik yoki noto‘g‘ri deklaratsiyalash
O‘zbekiston Respublikasining bojxona chegarasi orqali olib o‘tilayotgan tovarlarni deklaratsiyalamaslik yoki noto‘g‘ri deklaratsiyalash, ya'ni tovarlar, ularning bojxona rejimi va boshqalar haqida bojxona maqsadlari uchun zarur bo‘lgan belgilangan yozma, og‘zaki yoki boshqa shakldagi ma'lumotlarni bermaslik yoxud noto‘g‘ri ma'lumotlar berish, ma'muriy javobgarlik to‘g‘risidagi kodeksning 227⁷, 227¹⁰, 227¹⁹, 227²⁰, 227²¹-moddalarida va 227²⁵-moddasining birinchi qismida nazarda tutilgan hollar bundan mustasno, —
tovarlarni musodara qilib, fuqarolarga eng kam ish haqining besh baravaridan o‘n baravarigacha, mansabdor shaxslarga esa — yetti baravaridan o‘n besh baravarigacha miqdorda jarima solishga sabab bo‘ladi.
Noto‘g‘ri ma'lumotlarni ko‘rsatish, bu ma'lumotlar O‘zbekiston Respublikasining bojxona chegarasi orqali tovarlarni olib o‘tish, ularni talab etilayotgan bojxona rejimiga joylashtirish, bojxona to‘lovlari miqdori to‘g‘risida bojxona organi tomonidan qaror qabul qilinishiga ta'sir etmagan bo‘lsa, —
fuqarolarga eng kam ish haqining uch baravaridan yetti baravarigacha, mansabdor shaxslarga esa — besh baravaridan o‘n baravarigacha miqdorda jarima solishga sabab bo‘ladi.