O‘zbekiston respublikasi maktabgacha ta’lim vazirligi maktabgacha ta’lim tashkilotlari direktor va mutaxassislarini qayta tayyorlash va ularning malakasini oshirish

2.2-§. Maktabgacha ta’lim tashkiloti ta’lim dasturining tuzilishi va MTTning ta’lim dasturini ishlab chiqish va loyihalash bo‘yicha metodik tavsiyalar
Dastur – pedagoglar (tarbiyachilar va mutaxassislar) “Ilk qadam” DO‘Dning tamoyillari, Davlat talablariga muvofiq, bolalarning muayyan yoshdagi guruhlari uchun ta’lim-tarbiya jarayonini tashkil etishning shakl va usullarini eng maqbulini aniqlaydigan vositadir. Dastur bolalarning ta’lim ehtiyojlari va rivojlanish xususiyatlarini hisobga olgan holda yoki masalan, hududning, maktabgacha ta’lim tashkilotining o‘ziga xos sharoitlarini hisobga olgan holda (yoki individual pedagog (tarbiyachi, mutaxassis) o‘z pedagogik ta’lim modelini yaratishini ko‘rsatishi kerak. “Ilk qadam” DO‘Dga ko‘ra, dastur ikki – tayanch va ta’lim jarayoni qatnashchilari tomonidan shakllantirilgan qismdan iborat bo‘lishi kerak. Ikkala qism ham Davlat talablarini bajarish nuqtai nazaridan bir-birini to‘ldirishi zarur. Zamonaviy bosqichda maktabgacha ta’lim tarkibini yangilash uning murakkabligi va variativligini ta’minlaydi. Shu sababli maktabgacha ta’lim tashkiloti pedagogik xodimlari ta’lim dasturini tanlash, ishlab chiqish va amalga oshirish uchun katta mas’uliyatga ega. Uni ishlab chiqishga kirishishdan oldin qonun hujjatlari, maktabgacha ta’lim masalalarini tartibga soluvchi me’yoriy hujjatlar, pedagogik va metodik adabiyotlarni o‘rganish kerak. Maktabgacha ta’lim tashkilotidagi ta’limning sifati bolalar bilan olib borilayotgan tarbiyaviy ishlar samaradorligini zamonaviy talablar darajasida ta’minlovchi tashkiliy va pedagogik sharoitlarning mazmuni bilan belgilanadi:
● MTT ta’lim maqsad va vazifalariga javob beradigan rivojlanish muhitini yaratish;
● rivojlanayotgan ta’lim uslublarini qo‘llash (o‘yin, muammo, muqobiltajriba, tadqiqot);
● shaxsiy va ijodiy salohiyatdan, har bir pedagogning kasbiy tajribasidan unumli foydalanish;
● pedagogik faoliyatning boshqarilishini ta’minlash (moslashish muhitini tashkil qilish, rag‘batlantirish, korreksiya ishlarini amalga oshirish);
● kompleks va parsial dasturlarning o‘ziga xos to‘plamini yig‘ish, MTT ta’lim faoliyatini ularning xususiyatlarga moslashtirish.