O‘zbekiston Respublikasi Korrupsiyaga qarshi kurashish agentligi direktorining



[OKOZ:

1.16.00.00.00 Xavfsizlik va huquq tartibot muhofazasi / 16.04.00.00 Jamiyat xavfsizligi / 16.04.12.00 Korrupsiyaga qarshi kurashish]

[TSZ:

1.Mudofaa va milliy xavfsizlik / Oliy davlat hokimiyati va boshqaruv organlarining, mansabdor shaxslarning xavfsizligini ta’minlash]

O‘zbekiston Respublikasi Korrupsiyaga qarshi kurashish agentligi direktorining
buyrug‘i
Korrupsiyaga qarshi ichki nazorat tuzilmalari faoliyati to‘g‘risidagi namunaviy nizomni tasdiqlash to‘g‘risida
[O‘zbekiston Respublikasi Adliya vazirligi tomonidan 2021-yil 8-sentabrda ro‘yxatdan o‘tkazildi, ro‘yxat raqami 3319]
O‘zbekiston Respublikasi Prezidentining 2021-yil 6-iyuldagi PQ-5177-son “Korrupsiyaga qarshi kurashish faoliyatini samarali tashkil etishga doir qo‘shimcha chora-tadbirlar to‘g‘risida”gi qaroriga muvofiq buyuraman:
1. Korrupsiyaga qarshi ichki nazorat tuzilmalari faoliyati to‘g‘risidagi namunaviy nizom ilovaga muvofiq tasdiqlansin.
2. Mazkur buyruq rasmiy e’lon qilingan kundan e’tiboran kuchga kiradi.
Direktor A. BURXANOV
Toshkent sh.,
2021-yil 6-sentabr,
27-son
Kelishildi:
O‘zbekiston kasaba uyushmalari Federatsiyasi raisi K. RAFIKOV
2021-yil 26-avgust.
Bandlik va mehnat munosabatlari vaziri N. XUSANOV
2021-yil 25-avgust.
O‘zbekiston Respublikasi Korrupsiyaga qarshi kurashish agentligi direktorining 2021-yil 6-sentabrdagi 27-son buyrug‘iga
ILOVA
Korrupsiyaga qarshi ichki nazorat tuzilmalari faoliyati to‘g‘risidagi
NAMUNAVIY NIZOM
Ushbu Namunaviy nizom O‘zbekiston Respublikasi Prezidentining 2021-yil 6-iyuldagi PQ-5177-son “Korrupsiyaga qarshi kurashish faoliyatini samarali tashkil etishga doir qo‘shimcha chora-tadbirlar to‘g‘risida”gi qaroriga muvofiq Korrupsiyaga qarshi ichki nazorat tuzilmalarining (bundan buyon matnda Nazorat tuzilmalari deb yuritiladi) maqsadi, vazifalari, funksiyalari, huquq va majburiyatlari hamda ularning faoliyatini tashkil etish tartibini belgilaydi.