O‘zbekiston respublikasi jismoniy tarbiya va sport vazirligi

V. GLOSSARIY

Trenerlik faoliyati — aholi va sportchilar bilan o‘quv-trenirovka, jismoniy tarbiya-sport hamda sog‘lomlashtirish tadbirlarini o‘tkazishga, shuningdek, sport natijalariga erishish uchun ularning musobaqa faoliyatiga rahbarlikni amalga oshirishga yo‘naltirilgan faoliyat.
Sportchi – tanlagan sport turi yoki sport turlari bilan muntazam shug‘ullanadigan, doimo o‘zining sport mahoratini oshirib boradigan va sport tadbirlarida qatnashadigan jismoniy shaxs 
Ommaviy jismoniy tarbiya tadbirlari – aholini jismoniy tarbiya mashg‘ulotlariga jalb etishga va aholi o‘rtasida sog‘lom turmush tarzini shakllantirishga qaratilgan tadbirlar; 
Ommaviy sport – sportning tashkil etilgan va (yoki) mustaqil mashg‘ulotlar, shuningdek ommaviy jismoniy tarbiya va sport tadbirlarini o‘tkazish orqali aholini jismoniy tarbiyalash, sog‘lomlashtirish, kamol toptirish hamda jismoniy tarbiya va sport mashg‘ulotlariga jalb etishga doir qismi
O‘zbekiston milliy sport turlari va xalq o‘yinlari – milliy ijtimoiy-madaniy yo‘nalishga ega bo‘lgan hamda O‘zbekiston Respublikasi hududida rivojlanayotgan sport va o‘yin turlari  
Normativ-huquqiy hujjat - normativ-huquqiy hujjat Qonunga muvofiq qabul qilingan, umum majburiy davlat ko‘rsatmalari sifatida huquqiy normalarni belgilashga, o‘zgartirishga yoki bekor qilishga qaratilgan rasmiy hujjat.
Qonun - O‘zbekiston Respublikasida eng muhim va barqaror ijtimoiy munosabatlarni tartibga soladigan masalalar bo‘yicha, O‘zbekiston Respublikasi Oliy Majlisi tomonidan yoki referendum o‘tkazish yo‘li bilan qabul qilinadigan oliy yuridik kuchga ega bo‘lgan normativ hujjat.
Farmon - turmushda, hayotda, xalq xo‘jaligida, iqtisodiyotda, ta’limda, ishlab chiqarishda va boshqa soxalarda juda katta o‘zgarishlarga olib keladigan o‘ta muxim masalalarni tartibga solish va mustahkamlash yuzasidan O‘zbekiston Respublikasining Konstitutsiyasi va qonunlari asosida hamda ularni ijro etish uchun O‘zbekiston Respublikasi Prezidenti tomonidan qabul qilinadigan normativ hujjat.