O‘zbekiston respublikasi jismoniy tarbiya va sport vazirligi

2-bob. Jismoniy tarbiya va sport bo‘yicha mutaxassislarni ilmiy-metodik ta’minlash, qayta tayyorlash va malakasini oshirishning maqsad va vazifalari
8. Jismoniy tarbiya va sport bo‘yicha mutaxassislarni egallab turgan lavozimlari, mutaxassisligi yoki dars beradigan modullari (fanlari) bo‘yicha kasbiy va pedagogik mahoratini doimiy ravishda oshirib borish, ularning ilg‘or pedagogik va axborot texnologiyalari, shuningdek, jismoniy tarbiya va sport bo‘yicha mutaxassislarni materiallar va ilmiy-o‘quv adabiyotlar bilan ta’minlash, o‘qitishning innovatsion usullari bo‘yicha kasbiy bilimlari, malaka va ko‘nikmalarini muntazam ravishda yangilab borish ilmiy-metodik ta’minlash, qayta tayyorlash va malaka oshirishning maqsadi hisoblanadi.
9. Quyidagilar jismoniy tarbiya va sport bo‘yicha mutaxassislarni ilmiy-metodik ta’minlash, qayta tayyorlash va malakasini oshirishning vazifalari hisoblanadi:
jismoniy tarbiya va sport bo‘yicha mutaxassislarning kasbiy bilimi, ko‘nikmasi va mahoratini oshirish, zamon talablariga muvofiq ta’lim sifatini ta’minlash uchun zarur darajada kasbiy tayyorgarligini rivojlantirish;
ilmiy-metodik adabiyotlar bilan ta’minlash;
mustaqil fikrlash ko‘nikmalarini shakllantirish, pedagogik yangilikka intilishni rivojlantirish, zamonaviy axborot-kommunikatsiya texnologiyalaridan foydalanish;
jismoniy tarbiya va sport bo‘yicha mutaxassislarning o‘quv mashg‘ulotlari, o‘quv-tarbiyaviy ishlarni amalga oshirishda ilg‘or ta’lim texnologiyalari va xalqaro tajribadan foydalanish, ilmiy va o‘quv-metodik tadqiqotlar olib borish hamda amaliyotga joriy etish ko‘nikmalarini mustahkamlash.
3-bob. Jismoniy tarbiya va sport bo‘yicha mutaxassislarni qayta tayyorlash va malakasini oshirish mazmuni hamda sifatiga qo‘yiladigan umumiy talablar
10. Quyidagilar qayta tayyorlash va malaka oshirish bo‘yicha ta’lim dasturlari mazmuniga qo‘yiladigan umumiy talablar hisoblanadi:
kasblar va lavozimlarga bo‘lgan malaka talablariga muvofiqlik;
ta’lim va kadrlar tayyorlash sohasidagi davlat siyosatining asosiy yo‘nalishlarini, ta’lim turlari va bosqichlari bo‘yicha davlat talablarining uzluksizligi va uzviyligini ta’minlashga, tinglovchilarning bilimlarini yangilash va chuqurlashtirishga, zamonaviy axborot texnologiyalaridan foydalana olishga, kasbiy malaka va ko‘nikmalarni hosil qilishga, ta’limning samarali usullari hamda texnologiyalarini egallash va takomillashtirishga qaratilganlik;
davlat talablari hajmi va mazmunining qayta tayyorlash va malaka oshirish muddatlariga muvofiqligi.
11. Qayta tayyorlash va malaka oshirish sifati jismoniy tarbiya va sport bo‘yicha mutaxassislar tayyorgarligining zarur va yetarli darajasi, bilim, amaliy va kasbiy mahoratning mazkur mutaxassislarga qo‘yiladigan talablariga muvofiqligi bilan belgilanadi.
12. Qayta tayyorlash va malaka oshirish kurslaridagi o‘quv jarayoni o‘quv rejalari va dasturlari asosida amalga oshiriladi hamda uning mazmuni va sifatiga qo‘yiladigan talablar tegishli ta’lim dasturlari bilan belgilanadi.