O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Kanoeda eshkak eshishda yetkchi ortidan va jamoaviy eshkak eshish xususiyatlari. Amaliyot shuni ko’rsatadiki, kanoeda eshkak eshishda jamoani shakllantirish bir xil malakali, bittalik kanoeda eshkak eshuvchilarni tanlash yo’li bilan amalga oshiriladi. Lekin jamoani yaratish uchun sportchilar jamoaviy eshkak eshish texnikasini, shu bilan birga, o’z eshish texnikasini jamoadoshining eshish texnikasi bilan moslashtirishni ham egallashi zarur.
Jamoani tuzish turshuq tomondagi (hammaga ko’rinuvchi) eshkak eshuvchini tanlashdan boshlanadi. Bu o’ringa irodali, jamoada yetakchilik sifatiga ega, belgilangan eshish ritmi va tempini ushlab tura olishga qodir sportchi tanlanadi. Yakuniy tanlov tumshuq tomondagi eshkak eshuvchi sifatida har bir sportchini sinab ko’rgandan keyin amalga oshiriladi.
Navbatdagi vazifa – olib o’tishda ikkala eshkak eshuvchining bir xil kuchlanish berish qobiliyatini egallashdir. Bunga eshishga bir xil va tanaffusli kuchlanish berish (eshish tempini tumshuq tomondagi sportchi beradi) orqali erishiladi. Agar bunda qayiqni to’g’ri boshqarish zarur bo’lmasa, demak bir xil kuchlanish berilganidan dalolat beradi.
Yetakchi ortidan eshkak eshishni o’rgatish guruhli trenirovkalarda amalga oshiriladi. Sportchilar guruhini ular bittalik yoki ikkitalik kanoeda eshkak eshishiga qaramasdan juftliklarga bo’linadi. Orqada kelayotganlar oldinda kelayotgan qayiq to’lqiniga “o’tirish” va tezlikni shunday ushlab turishga intiladilar. Oldinda ketayotgan sportchilar eshish tempini o’zgartirib, orqada kelayotganlarni o’z to’lqinidan “tushirish”ga harakat qilib oldinga ketishga intiladi. Dastlab bir xil eshishdan, keyinchalik tanaffusli eshishdan ham foydalaniladi. Sportchilar ketma-ket o’zlarining yetakchilik o’rinlarini almashtiradilar.
Jamoaviy eshkak eshishda qayiqni to’g’ri boshqarish muhim ahamiyatga ega. Bunda qayiqni belgilangan kursda ushlab turish va qayiq yo’nalishini o’zgartirib eshkak eshish ko’zda tutiladi.
Qayiqni belgilangan kursda ushlab turish uchun qayiqda eshkak eshuvchilarni to’g’ri joylashtirish, eshkak yuzasiga kuchlanishni bir xil berish va bir vaqtning o’zida suvni ilish hamda olib o’tishni bir vaqtda bajarish zarur.