O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Noqulay ob-havo sharoitida eshkak eshish texnikasi. Kuchli shamol va to’lqinda eshkak eshish qayiq va eshkakni boshqarish texnikasini yuqori darajada egallashni talab qiladi. Kuchli shamol sportchiga qayiqni boshqarishga, to’lqin esa muvozanatni saqlashga halaqit qiladi.
Qarama-qarshi ichki bort tomondan esuvchi shamol bittalik kanoeda boshqarishni yengillashtiradi: qayiq deyarli to’g’ri boshqarilishsiz harakatlanadi. Qarama-qarshi tashqi bort tomondan esuvchi shamol esa bittalik kanoeni boshqarishni qiyinlashtiradi: qayiq tashqi bort tomonga kursdan og’adi. Bunday shamolda qayiqni boshqarishni yengillashtirish uchun yostiqchani 5-10 sm asos tomonga joylashtirib, qayiq asosini yuklantirish lozim.
Shamol ortdan yoki ichki bort tomondan esganda ham shunday qilinadi. Agar qarama-qarshi tomondan to’g’ri yoki ortdan, tashqi bort tomondan bo’lsa yostiqcha ortga tortiladi.
Yon tomondan to’lqin yoki yo’nalishga burchak ostidagi to’lqinlarda butun diqqat muvozanatni saqlashga va qayiq kursini ushlashga qaratiladi. Chunki yon tomondan urilgan to’lqin qayiq kursini o’zgartirishi mumkin. Sekin keluvchi, ahamiyatsiz qarama-qarshi yoki yo’l-yo’lakay to’lqinlarni kesib o’tishda qandaydir maxsus choralarni qo’llash talab qilinmaydi.


Nazorat savollari

1. 
   Kanoeda eshkak eshuvchining asosiy va dastlabki holati qanday bo’ladi?
   
2. 
   Noqulay ob-havo sharoitida baydarkada va kanoeda eshkak eshish texnikasida qanday o’zgarishlar yuzaga keladi?
   
3. 
   Kanoe qayig’i qanday boshqariladi?
   
4. 
   Kanoeda eshkak eshishda muvozanat saqlash qanday amalga oshiriladi?
   
5. 
   Kanoeda eshkak eshishda harakatlar uyg’unligi deganda nimani tushunasiz?
   
6. 
   Kanoeda eshkak eshishda startdan chiqish va marraga kelishda texnika o’zgarishlari haqida nimalarni bilasiz?
   
7. 
   Kanoeda eshkak eshishda eshish fazasi tarkibiy qismlari nisbatlari qanday taqsimlanadi?
   
8. 
   Kanoeda eshkak eshishda burilish texnikasi haqida nimalarni bilasiz?