O‘zbеkiston rеspublikasi jismoniy tarbiya va sport vazirligi o’zbekiston davlat jismoniy tarbiya va sport universiteti nukus filiali

Nazorat savollari:

1. 
   Ma’lumot –axborot hujjatlar to‘g‘risida tushuncha.
   
2. 
   Ariza turlari va uning zaruriy qismlari.
   
3. 
   Bayonnoma mazmuni vamohiyati.
   
4. 
   Bildirishnoma va uning mazmuni, turlari.
   
5. 
   Dalolatnoma va ishonchnoma haqida ma’lumot bering.
   
6. 
   Ishonchnoma turlari haqida ma’lumot bering.
   

Ma’lumot-axborot hujjatlarini yuritish va qo‘llash xususiyatlari.

Ma’lumot-axborot hujjatlaridan ma’lumotnoma, tavsifnoma va tavsiyanoma tushunchalari. Ma’lumotnoma - bo‘lgan voqea yoki mavjud holatlarni bildirish – axborot berish mazmunida ifodalaydigan hujjat. Ma’lumotnomalar, odatda, yuqori idora, mansabdor, xususiy va yuridik shaxslar hamda oddiy kishilarning ko‘rsatmasi, talabi yoki iltimosiga ko‘ra tuziladi hamda biron- bir masalada iltimosni qondiradigan axborot va ma’lumotlarni aksettiradi.

Ma’lumotnoma o‘z xususiyati va mazmuniga ko‘ra ikkiga: xizmat ma’lumotnomasi va shaxsiy ma’lumotnomaga bo‘linadi.

Xizmat ma’lumotnomasi–muassasa faoliyatiga doir voqea-hodisalarni rasmiy ravishda aks ettiradi va tasdiqlaydi, axboriy xususiyatga ega bo‘lgan xilma-xil ma’lumotlarni o‘z ichiga oladi, zarur hollarda esa raqamli jadvallar ko‘rinishida tayyorlanadi.

Xizmat ma’lumotnomasi o‘z navbatida ikkiga - ichki xizmat va tashqi xizmat ma’lumotnomalariga bo‘linadi. Ichki xizmat ma’lumotnomasi–muassasa ichki ishlari, xo‘jalik faoliyati, biror tarkibiy bo‘linma yoki ayrim xodimning ishi, faoliyati haqida tayyorlanib, shu muassasa rahbariga yo‘llanadi. Bunday ma’lumotnomalar bevosita tuzuvchi (bo‘linma boshlig‘i, kadrlar bo‘limi boshlig‘i, ish yurituvchi, oddiy xodim va boshqalar) tomonidan imzolanadi va oddiy qog‘oz varag‘iga qo‘lda yozilishi ham mumkin. Tashqi xizmat ma’lumotnomasi – muayyan muassasa nomidan yuqori idora yoki mansabdor shaxslarga, ular ko‘rsatmasiga, talabiga muvofiq tayyorlanib jo‘natiladi hamda xos ish qog‘oziga yoki maxsus bosma ish qog‘oziga yoziladi va muassasa rahbari tomonidanimzolanadi.

Har qanday xizmat ma’lumotnomasi boshqa biron-bir hujjatni guvohlantirish yoki muayyan qaror qabul qilish uchun asos bo‘ladi. Ma’lumotnoma sanasi u imzolagan va yo‘llangan kuni qo‘yiladi, chunki u jo‘natma hujjatlar daftarida qaydetiladi.

Xizmat ma’lumotnomasiga matn mazmunini ochib beruvchi sarlavha qo‘yiladi. Masalan, «Korxona ma’muriy boshqaruv xodimlari soni haqida». Ma’lumotnomada qayd etilayotgan xabarlar taalluqli bo‘lgan sana alohida ajratilib, asosiy matn oldidan yoziladi. Masalan:―2010 yil 1iyundagi holatgako‘ra (muvofiq) yoki―2010 yil 1yanvardan 1syentyabrgacha bo‘lgan davr uchun kabi.