O’zbеkistоn rеspublikasi хalq ta’limi vazirligi jizzaх davlat pеdagоgika instituti

Avgustin (354-430) antik davrni xristianlik bilan bog‘lagan dastlabki buyuk teologlardan biri edi. SHuning uchun Avgustinda yangi xristiancha tasavvurlar: “markazdagi inson”, tarixning chiziqli rivojlanishi, yo‘qdan borliqni yaratgan jonlantirilgan Xudoni ko‘ramiz. Ammo Avgustinda bu tasavvurlar antik faylasuflar tilida ifodalanadi.

Bir tomondan, hamma narsalar inson atrofida markazlashadi, zotan Xudo hamma narsani inson uchun yaratgan va Xudo o‘ziga o‘xshatib yaratgan, eng ulug‘ mavjudod hisoblangan inson panoh izlaydi. Avgustin har bir kishining ichida Xudo va Iblis o‘rtasida kurash boradi, deb hisoblaydi. Avgustin bunday kurashni tarixiy darajada Xudo shaxri va Zamin shaxri o‘rtasidagi qarama-qarshilik shaklida ham ko‘radi. Har bir individual hayot panoh va gunoh uchun kurash maydoni bo‘lgani singari, tarix ham ezgulik va gunoh “podsholigi” o‘rtasidagi kurash maydoni hisoblanadi.

Avgustinning Xudo shaxri va Zamin shaxri haqidagi ta’limoti siyosiy nazariya darajasida rivojlanmagan, zotan u siyosatchidan ko‘ra ko‘proq teolog sifatida fikr yuritadi. U siyosiy g‘oyalarni qanday aktuallashtirish mumkinligiga unchalik qiziqmaydi.