O‘zbekiston Respublikasi Favqulodda vaziyatlar vazirligini tashkil etish to‘g‘risida

Oldingi tahrirga qarang.
O‘zbekiston Respublikasi Favqulodda vaziyatlar vazirligining iqtisodiy va ijtimoiy rivojlanish prognozlari hamda dasturlarini tayyorlaydi va belgilangan tartibda Makroiqtisodiyot va statistika vazirligiga;
(5-bandning yigirma to‘qqizinchi xatboshisi O‘zbekiston Respublikasi Vazirlar Mahkamasining 2000-yil 30-avgustdagi 338-sonli qarori tahririda)
favqulodda vaziyatlarda harakat qilishga aholini o‘qitish, fuqaro muhofazasi boshqaruv organlari va tuzilmalarining, FVDT bo‘linmalarining mansabdor shaxslarini tayyorlash dasturlarni ishlab chiqishni muvofiqlashtirib boradi, tasdiqlaydi yoki kelishib oladi, qutqaruvchilarni va avariya-qutqaruv tuzilmalarini attestatsiyadan o‘tkazishni tashkil etadi va amalga oshiradi;
fuqaro muhofazasi, favqulodda vaziyatlarda harakat qilishga tayyorlanish, qutqaruvchilarni maxsus tayyorlash masalalari bo‘yicha o‘quv va maxsus o‘quv yurtlarining o‘quv dasturlarini ko‘rib chiqadi va kelishib oladi;
qutqaruvchilarni favqulodda vaziyatlarda va shoshilinch sharoitlarda harakat qilishga tayyorlashni tashkil etadi;
favqulodda vaziyatlarda aholini va hududlarni muhofaza qilish, avariya-qutqaruvning mavjud vositalarini takomillashtirish va yuqori samarali yangi vositalarini yaratish, ularni bajarish uchun maxsus texnik vositalarni yaratish, favqulodda vaziyatlarda xalq xo‘jaligi obyektlarining faoliyat ko‘rsatishi barqarorligini oshirish muammolari bo‘yicha ilmiy-tadqiqot va tajriba-konstruktorlik ishlarini o‘tkazishni tashkil qiladi hamda mablag‘ bilan ta’minlaydi;
fuqaro muhofazasi, favqulodda vaziyatlarning oldini olish va ularni bartaraf etish, shu jumladan, avariya va halokatlar oqibatlarini tugatish, zarar ko‘rgan aholiga yordam ko‘rsatish masalalari bo‘yicha hamda O‘zbekiston Respublikasi Favqulodda vaziyatlar vazirligi vakolatiga taalluqli boshqa masalalar bo‘yicha xalqaro hamkorlikni, shuningdek, ushbu sohalardagi chet el tajribasini o‘rganish, umumlashtirish va ommalashtirishni belgilangan tartibda amalga oshiradi;
O‘zbekiston Respublikasi Favqulodda vaziyatlar vazirligi vakolatiga taalluqli masalalar bo‘yicha xalqaro shartnomalar loyihalarini ishlab chiqishda belgilangan tartibda qatnashadi, shu jumladan, fuqaro muhofazasi, favqulodda vaziyatlarda o‘zaro xabardor qilish va yordam ko‘rsatish masalalari bo‘yicha tashqi iqtisodiy hamkorlikni amalga oshiradi;
O‘zbekiston Respublikasi Vazirlar Mahkamasi qaroriga binoan BMT tizimining ixtisoslashgan xalqaro tashkilotlarining va boshqa ixtisoslashgan xalqaro tashkilotlarning markaziy organlarida va mintaqaviy bo‘linmalarida ishlash uchun, ushbu tashkilotlar bilan kelishilgan shartlarda, belgilangan tartibda vakillar yuboradi;
davlat statistika hisobotida nazarda tutilgan statistika ma’lumotlarini davlat statistika organlariga taqdim etadi;
Favqulodda vaziyatlar vazirligi vakolatiga taalluqli masalalar bo‘yicha, davlat sirini, xizmat axborotlarini muhofaza qilishga, maxsus aloqani rivojlantirishga doir tadbirlarni o‘tkazishni ta’minlaydi.
Oldingi tahrirga qarang.
xavfli yuklar, qurol-yarog‘lar, harbiy texnika, harbiy mol-mulklar, portlovchi moddalar va buyumlar, shuningdek harbiy tarkiblar tranziti chog‘ida qonunchilikka muvofiq xulosalar beradi va nazoratini amalga oshiradi.
(5-band O‘zbekiston Respublikasi Vazirlar Mahkamasining 2002-yil 1-maydagi 150-son qarori bilan o‘ttiz to‘qqizinchi xatboshi bilan to‘ldirilgan)
6. O‘zbekiston Respublikasi Favqulodda vaziyatlar vazirligiga quyidagi huquqlar beriladi:
Oldingi tahrirga qarang.
vazirliklar, idoralar, uyushmalar, Qoraqalpog‘iston Respublikasi Vazirlar Kengashi, viloyatlar, shaharlar va tumanlar hokimliklari, mulkchilik shakllaridan qat’i nazar, korxonalar, muassasalar va tashkilotlar, mansabdor shaxslar va fuqarolar bajarishi majburiy bo‘lgan fuqaro muhofazasi, favqulodda vaziyatlar, avariyalar va halokatlar terrorchilik harakatlarining oldini olish va ularning oqibatlarini bartaraf etish bo‘yicha ishlarni tashkil qilish va muvofiqlashtirib borish uchun zarur bo‘lgan qarorlarni belgilangan tartibda, o‘z vakolati doirasida qabul qilish va ularning bajarilishini nazorat qilish;