O‘zbekiston Respublikasi Davlat Soliq Qo‘mitasining Farg‘ona soliq texnikumida ma’naviy – ma’rifiy tadbirlar rejasi asosida o‘tkazilgan tadbir bayoni

O‘zbekiston Respublikasi Davlat Soliq Qo‘mitasining Farg‘ona soliq texnikumida ma’naviy – ma’rifiy tadbirlar rejasi asosida o‘tkazilgan tadbir
BAYONI


2022-yil 22-aprel Farg‘ona shahar

Rais: I.Toshpo‘latov – Farg‘ona soliq

texnikumi psixologi

Qatnashdilar: Farg‘ona politexnika instituti “Buxgalteriya hisobi va audit” kafedrasi professor o‘qituvchilari dotsent Q.I.Qunduzova va assistentlar N.Qudbiyev, Sh.Rasulova va Sh.Kurbonovalar, Farg‘ona soliq texnikumi o‘qituvchilari va o‘quvchilari.

KUN TARTIBI:


1. “ Oliy ta’lim muassasalariga bitiruvchi yoshlarni qamrab olish ” mavzusida uchrashuv.
Uchrashuvni texnikum psixologi I.Toshpo‘latov ochib, mehmonlar bilan tanishtirdi va so‘z navbatini Farg‘ona politexnika instituti “Buxgalteriya hisobi va audit” kafedrasi dotsenti Q.I.Qunduzovaga berdi.
So‘zga chiqqan “Buxgalteriya hisobi va audit” kafedrasi dotsent Q.Qunduzova, o‘z ma’ruzasida bugungi kunda yoshlarni oliy ta’lim muassasalariga qamrab olish darajasini oshirish bo‘yicha qanaqa mexanizmlar joriy etilyotgani xakida to‘xtalib o‘tib,ushbu dolzarb masalalarni yechish uchun hozirgi kunda respublikamizda oliy ta’lim muassasalarining sonini oshirish, etakchi ta’lim muassasalarining hududlarda filiallarini tashkil etish, shuningdek, xorijiy oliy ta’lim muassasalari bilan birgalikda qo‘shma ta’lim dasturlari asosida kadrlar tayyorlash hamda oliy ta’lim muassasalari qoshidagi texnikumlarni tashkil etish bo‘yicha jadal ishlar amalga oshirilayotgalini va hozirgi kunda respublikamizda oliy ta’lim muassasalari soni 140 dan ortganligi, shu bilan bir qatorda xorijiy mamlakatlarning yetakchi oliy ta’lim muassasalari filiallarining tashkil etilayotganligi bunga yaqqol misol bo‘la olishini ta’kidlab o‘tdi. Shuningdek bu borada Farg‘ona politexnika institutida amalga oshirilayotgan ishlar borasida to‘xtalib o‘tdi.
So‘z olganlardan N.Qudbiyev Oliy ta’lim islohotlarining mahsuli sifatida mamlakatimizda oliy ma’lumot egalash istagida bo‘lgan har qanday fuqaro uchun imkoniyatlar eshigi ochilganlinini yoki aniqroq aytganda, yoshidan qat’i nazar, oliy ma’lumotni kunduzgi, kechki va sirtqi ta’lim shaklida olishga sharoit yaratilganligi ya’ni mamlakatimizning har bir fuqarosi yoshi, millati va elatidan qat’i nazar, o‘zining Konstitutsion huquqlaridan to‘liq foydalanish imkoniyatiga ega bo‘lganligi, bundan tashqari, mehnat staji, ish tajribasiga ega bo‘lgan fuqarolar o‘zlari ishlayotgan korxonaning yuqori tashkilotlari tavsiyasi bilan imtihonsiz, suhbat asosida oliy o‘quv yurtiga kirish imkoniyatini qo‘lga kiritganligini aytib o‘tdi.
Jumladan, kamida 5 yil ish stajiga ega xodimlarni 2021/2022 o‘quv yilida davlat OTMlarining sirtqi va kechki ta’lim shakliga o‘qishga kirishi uchun Respublikamizdagi 71 ta tashkilotga tavsiya berish huquqi berilganligi, ular tomonidan berilgan yo‘llanmaga ko‘ra, ishlovchi xodimlar imtihonsiz, suhbat natijalariga ko‘ra, tabaqalashtirilgan to‘lov-kontrakt asosida o‘qishga tavsiya etilish qoidasining kiritilishi xalqimiz uchun kutilmagan yangilik bo‘ldi. Har bir tashkilot 100 tagacha xodimiga shunday yo‘llanma berishi mumkinligi ham qayd etildi. Oliy ta’lim islohotining bu qoidasi bozor munosabatlarining mohiyatiga ham moslanganligini ta’kidladi.
Uchrashuv davomida talabalar o‘zlarini qiziqtirgan savollar bilan murojaat qildilar. Ushbu savollarga kafedra professor o‘qituvchilari dotsent Q.I.Qunduzova va assistentlar N.Qudbiyev, Sh.Rasulova va Sh.Kurbonovalar tomonidan javob berildi.
Shundan so‘ng yig‘ilish raisi so‘z olib, mehmonlarga o‘z minnatdorchilik bildirib, yig‘ilishni yakunladi.


Farg‘ona soliq texnikumi psixologi: I.Toshpo‘latov