O’zbekiston respublikasi axborot texnologiyalari va kommunikasiyalarini rivojlantirish vazirligi

12-bob bo’yicha xulosalar

Metodologiya — bu prinsiplar tizimi, shuningdek dasturiy ta’minotni ishlab chiqish uslubini aniqlaydigan g’oyalar, tushunchalar, usullar, yo’llar va vositalar birligi hisoblanadi.

Dasturiy ta’minotni yaratishning ko’plab muvaffaqiyatli uslubiyatlari mavjud. Aniq bir uslubiyatni tanlash jamoaning (guruhning) hajmiga, loyihaning o’ziga xosligi va murakkabligiga, kompaniyadagi jarayonlarning barqarorligi va yetilganligiga va xodimlarning shaxsiy sifatlariga bog’liq bo’ladi.
Metodologiya dasturiy ta’minotni ishlab chiqishni boshqarish nazariyasining yadrosi hisoblanadi. Taxmin qilinadigan metodologiya kelajakni atroflicha rejalashtirishga qaratiladi. Adaptiv metodologiya talablarning kutiladigan to’laqonli emasligi va ularning doimo o’zgarishini yengib o’tish maqsadiga qaratilgan. SCRUM uncha katta bo’lmagan jamoalar (10 tagcha kishili) uchun metodologiya hisoblanadi. KANBAN – masalaga yo’naltirilgan dasturiy ta’minotni ishlab chiqishni tez moslashuvchan uslubiyati hisoblanadi.
RUP iterativ va qo’shimcha rivojlanish modelidan foydalanadi. Iterativ yondashuvda, har bir jarayon uchun ish hajmlari hayot aylanish jarayonida o’zgarib turadi. Bosqichning oxiridagi nazorat punktlari avvalgi bosqichning qanchalik muvaffaqiyatli ekanligi va loyihaning qanchalik muvaffaqiyatli ekanini baholash imkonini beradi. EUP metodologiyasi ob’ektga asoslangan paradigmdan foydalanadigan dasturiy ta’minot loyihalarini qo’llab-quvvatlash uchun mo’ljallangan RUP taniqli metodologiyasining kengaytmasi hisoblanadi.
Dinamik tizimlarni ishlab chiqish usuli (Dynamic Systems Development Method, DSDM)- ushbu usul tezkor dastur ishlab chiqish(Rapid Application Development, RAD) kontseptsiyasiga asoslangan. Xulosa qilib aytganda ushbu DSDM usulida ishlab chiqilgan dasturiy mahsulot asosan vaqtdan va mablag`dan yutish uchun ishlab chiqiladi. Agar buyurtmachi tezda dasturiy mahsulotni qo`lga kiritmoqchi bo`lsa, unda siz ushbu DSDM usulida ishlashingiz maqsadga muvofiq bo`ladi. Misol uchun hozirgi kundagi web mahsulotlarni qarasak. Bularning barchasi DSDM usulida ishlab chiqilgan.