O‘zbekiston respublikasi adliya vazirligi

III BOB. QISHLOQ XO„JALIK FAOLIYATI SUBYEKTLARINING 
O„ZIGA XOSLIGI VA HUQUQIY HOLATI 
Qishloq xo‗jalik faoliyati subyektlarining o‗ziga xos xususiyatlari. 
Qishloq xo‗jalik subyekti sifatida fermer xo‗jaliklarining huquqiy holati. 
Dehqon xo‗jaliklarining huquqiy holati. Qishloq xo‗jalik kooperativlari 
(shirkat xo‗jaliklari)ning huquqiy holati. Zamonaviy agroklasterlar va 
agrofirmalarning huquqiy holati. Qishloq xo‗jalik sohasida faoliyat 
yurituvchi nodavlat-notijorat tashkilotlar (xarakatlar va uyushmalar, 
muassasalar, fondlar)ning huquqiy maqomi.
 
1-§. Qishloq xo„jalik faoliyati subyektlarining o„ziga xos xususiyatlari 
Qishloq xo‗jalik huquqining subyektlari deganda, qishloq xo‗jaligi 
ishlab chiqarishi bilan bog‗liq bo‗lgan munosabatlarda qatnashuvchi 
yuridik va jismoniy shaxslar tushuniladi. Qishloq xo‗jalik huquqi 
subyektlarining o‗ziga xos jihatlari hamda umumiyligi ularning bevosita 
qishloq xo‗jaligi ishlab chiqarishi bilan shug‗ullanishlari bilan tavsiflanadi.
Qishloq xo‗jaligi ishlab chiqarishi bilan shug‗ullanuvchi tuzilmalar 
turli tumanligi bilan ajralib turadi. Mamlakatimiz qishloq xo‗jaligi ishlab 
chiqarishi bilan hozirgi vaqtda qishloq xo‗jalik kooperativlari (shirkat 
xo‗jaligi), davlat xo‗jaliklari, fermer xo‗jaliklari, dehqon xo‗jaliklari, 
agrofirmalar, agroklasterlar, yordamchi xo‗jaliklar faoliyat yuritayotgan 
bo‗lsa, bundan tashqari agrar sohada nodavlat-notijorat tashkilotlar sifatida 
faoliyat yuritayotgan O‗zbekiston fermer, dehqon xo‗jaliklari va tomorqa 
yer egalari kengashi, suv xo‗jaligi uyushmasi va boshqalarni kiritish 
mumkin.
Shu jihatdan qishloq xo‗jalik ishlab chiqarishi bilan shug‗ullanuvchi 
tuzilmalar (subyektlar) shaklini aniqlash doimo murakkab bo‗lib kelgan. 
Bu muammoni asosiy sababi qishloq xo‗jalik ishlab chiqarishining 
murakkabligi bilan tavsiflanadi.