O‘zbekiston respublikasi adliya vazirligi toshkent davlat yuridik Universiteti Jinoyat-protsessual huquqi darslik

1.2. Jinoyat protsessining bosqich va funksiyalari

Jinoyat ishini yuritishni jinoyat protsessining bosqichlari deb nomlanadigan muayyan davriy qismlarga bo‘linadi.

Jinoyat protsessi bosqichlari o‘z boshlanish va tamomlanish vaqtiga, vazifa va mazmuniga, ishtirokchilar doirasiga, ular o‘rtasida shakllanadigan jinoyat-protsessual munosabatlar kabi belgilarga ega bo‘lgan mustaqil davrlar sifatida tavsiflanadi.

6. Hukm, ajrim va qarorlarning qonuniyligini tekshirish

Tergovga qadar tekshiruv – jinoyatga oid arizalar, xabarlar va boshqa ma’lumotlarni tekshirish, ularni ko‘rib chiqish natijasi yuzasidan qaror qabul qilishga doir tadbirlarni, shuningdek ish uchun ahamiyatli bo‘lishi mumkin bo‘lgan jinoyat izlari, narsalar va hujjatlarni mustahkamlash va saqlashga doir choralarni o‘z ichiga oladi. Tergovga qadar tekshiruv natijasiga ko‘ra jinoyat ishini qo‘zg‘atishni rad qilish haqida yoki jinoyat ishini qo‘zg‘atish haqida qaror qabul qilinadi.
Jinoyat ishini qo‘zg‘atish – bu jinoyat protsessining muhim bosqichi bo‘lib, jinoyat sodir etilganligi to‘g‘risida sabab mavjud bo‘lgan hollarda va yetarli asoslar tergovga qadar tekshiruv organi, surishtiruvchi, tergovchi, prokuror tomonidan aniqlanganda bu to‘g‘risida qaror qabul qilinadi. Mazkur qaror jinoyat protsessi tartib-taomillarini harakatga keltiradi, keyingi bosqichlarda tegishli protsessual harakatlarni amalga oshirish uchun huquqiy asosni vujudga keltiradi hamda dastlabki tergov muddatlarini hisoblash muddati boshlanishini belgilaydi.
Surishtiruv jinoyat ishini tergov qilishning alohida shakli bo‘lib, ish yuritishning soddalashtirilgan tartibi hisoblanadi. Surishtiruvchi o‘z protsessual maqomi bo‘yicha tergovchi tomonidan amalga oshiriladigan barcha tergov harakatlarini amalga oshirish, ularni bajarish yuzasidan tergovga qadar tekshiruv va tezkor-qidiruv organiga topshiriqlar berish, ehtiyot choralarini qo‘llash, shaxslarning jinoyat protsessidagi maqomini belgilash, surishtiruvni tamomlash va to‘g‘ridan to‘g‘ri prokuror tasdig‘i bilan jinoyat ishini sudga yuborish vakolatlariga egadir.