O’zbekiston respublika oliy va o’rta maxsus ta’lim vazirligi

Birinchidan,  G’arbiy  Yevropa  bozorlarining  ochilishi  bu  mamlakatlar  YaIMning  barqaror 
sur’atlarda  o’sishini  ta’minlaydi.  Yevropa  Ittifoqiga  a’zo  bo’lishga  tayyorgarlik  davri  va  undan 
keyingi  davrlarda  Markaziy  va  SHarqiy  Yevropa  mamlakatlarida  iqtisodiy  o’sish  sur’atlari 
Yevropa  Ittifoqi  15 mamlakatlari  ko’rsatkichlaridan  1,7 marta  yuqori  bo’ldi. 
Ikkinchidan,  Yevropa  Ittifoqiga  a’zolik  Markaziy  va  SHarqiy  Yevropa  mamlakatlarida 
ishsizlik  darajasining  pasayishiga  olib  keldi,  jumladan,  ishsizlik  darajasi  2003-2007  yillarda 
11,3%  dan  7,8%gacha  pasaydi.  Ushbu  holatning  asosiy  sababi  Markaziy  va  SHarqiy  Yevropa 
mamlakatlaridan  G’arbiy  Yevropa  mamlakatlariga  ishchi  kuchining  oqib  o’tishi  (3  mln.  kishi) 
hisoblanadi.  Markaziy  va  SHarqiy  Yevropaning  ba’zi  mamlakatlarida  migrantlar  tomonidan 
jo’natiladigan  pul  o’tkazmalari  tashqi  moliyalashtirishning  xorijiy  investitsiyalardan  keyingi 
salmoqli  manbasiga  aylandi.  Misol  uchun,  2010  yilda  Polьshaga  9,1  mlrd.  dollar,  Serbiyaga  5,5 
mlrd.dollar,  Ruminiyaga  4,5  mlrd,dollar  miqdorida  pul  o’tkazmalari  kirib  kelgan.
27
    Jahon 
moliyaviy-iqtisodiy  inqirozi  bu  mamlakatlarda  ishsizlik  darajasining  oshishiga  olib  keldi.  Misol 
uchun,  ishsizlik  darajasi  2010  yilda  Serbiyada  19,6%ni,  Slovakiyada  14,4  %ni,  Vengriyada 
11,2%ni,  Bolgariyada  10,3% ni  tashkil  etdi.
28