O‘zbekiston respubikasi oliy va o‘rta maxsus ta’lim vazirligi

Sport tashkilotlari. Sport tashkilotlari asosan ikki yo‘nalishga egadir. Ya’ni O‘zbekiston Respublikasi Davlat jismoniy tarbiya va sport qo‘mitasi, uning viloyatlar, shahar, tumanlardagi tarmoqlari hamda Respublika kasaba uyushmalari sport jamiyati, Dinamo (ichki ishlar xodimlari), «Yoshlik» (maktab o‘quvchilari), «Talaba» (o‘rta maxsus va oliy o‘quv yurtlari) hamda «Vatanparvar» (harbiylarga ko‘maklashuvchi-sportning texnik turlari), markaziy harbiy sport klubi (MHSK) kabilardir.
Yuqorida ta’kidlangan sport uyushmalari va jamiyatlarning quyi tarmoqlari asosan mehnat jamoalari, o‘quv yurtlari va turli muassasalardan iborat bo‘lib, ularda boshlang‘ich jismoniy tarbiya jamoalari (BJTJ) hamda sport klublar (SK) faoliyat ko‘rsatadi.
Sport federatsiyalari. Harbiy sport turi yoki turdosh turlar (shaxmat-shashka, sport o‘yinlari va h.k.) bo‘yicha Federatsiyalar (uyushmalar) tashkil etiladi. Ularning soni O‘zbekistonda 40 taga etib boradi. Milliy kurash, ot sporti va boshqa bir qator turlar bo‘yicha «Assotsatsiya»lar (yirik uyushmalar) tashkil etilgan. Ular asosan sport musobaqalarining tashkiliy yo‘nalishlari va o‘tkazilishi ta’minlashda, murabbiylar hamda hakamlar ksngashlari faoliyatlariga tayanadilar.
Jismoniy tarbiya va sport tizimlari.
1.Jismoniy tarbiya tizimi. Bunda maktabgacha yoshdagi bolalar tarbiya muassasalari hamda barcha turdagi va toifadagi o‘quv yurtlari jismoniy tarbiya darslari, sport mashg‘ulotlari hamda musobaqalarni tashkil qilish faoliyatlar amalga oshiriladi. Bunda tegishli vazirliklar va sport uyushmalari rahbarlik vazifalarini bajaradi.
2.Ishlab chiqarish, qurilish, savdo-tijorat va boshqa barcha tarmoqlarda ommaviy-sog‘lomlashtirish jismoniy tarbiya va sport tadbirlari, ularni tashkil qilish bilan bog‘liq faoliyatlari. Bularga asosan mutasaddi davlat idoralari, jamoa tashkilotlari hamda sohaviy sport jamiyatlari rahbarlik qiladi.
Yuqoridagi yo‘nalishlari va Respublika aholisining jismoniy tarbiya va sport ishlariga asosan Respublika Davlat jismoniy tarbiya va sport qo‘mitasi (Davlat sport uyushmasi) rahbarlik qiladi. Ularning barchasi o‘zlarining nizomlari, ustavlariga ega bo‘lib, shu asosida aniq maqsadlar, vazifalar va huquqlarga egadir.