O’zbekiston pespublikasining sud tizimi

O’ZBEKISTON PESPUBLIKASINING SUD TIZIMI

1.3-guruh o'quvchisi

Nishonov Muhammadrizo

[phone]

[e-mail]
Annotatsiya: Ushbu maqolada O’zbekiston Respublikasi sud tizimi haqida qisqacha ma’lumotlar va tushunchalar berilgan. Muallif maqolada bolalar uchun odil sudlov masalasiga to’xtalib o’tgan.
Kalit so’zlar: Sud, sud tizimi, sud mustaqilligi, oshkoralik,bola huquqlari

O‘zbekiston Respublikasi Konstitutsiyasining 11-moddasi davlat hokimiyatining qonun chiqaruvchi, ijro etuvchi va sud hokimiyatiga bo‘linish printsipini joriy etdi.

Sudning vazifalari — O‘zbekiston Respublikasida sud O‘zbekiston Respublikasining Konstitutsiyasi va boshqa qonunlarida, inson huquqlari to‘g‘risidagi xalqaro hujjatlarda e’lon qilingan fuqarolarning huquq va erkinliklarini, korxonalar, muassasalar va tashkilotlarning huquqlari hamda qonun bilan qo‘riqlanadigan manfaatlarini sud yo‘li bilan himoya qilishga da’vat etilgan. Sudning faoliyati qonun ustuvorligini, ijtimoiy adolatni, fuqarolar tinchligi va totuvligini ta’minlashga qaratilgandir.

O‘zbekiston Respublikasining Konstitutsiyaviy sudi qonun chiqaruvchi va ijro etuvchi hokimiyat hujjatlarining Konstitutsiyaga muvofiqligi to‘g‘risidagi ishlarni ko‘rib chiqish bo‘yicha doimiy faoliyat ko‘rsatuvchi sud hokimiyati organidir.

• 
  O‘zbekiston Respublikasi Konstitutsiyaviy sudi;
  
• 
  O‘zbekiston Respublikasi Oliy sudi;
  
• 
  harbiy sudlar;
  
• 
  Qoraqalpog‘iston Respublikasi fuqarolik ishlari bo‘yicha sudi, fuqarolik ishlari bo‘yicha viloyatlar va Toshkent shahar sudlari;
  
• 
  Qoraqalpog‘iston Respublikasi jinoyat ishlari bo‘yicha sudi, jinoyat ishlari bo‘yicha viloyatlar va Toshkent shahar sudlari;
  
• 
  Qoraqalpog‘iston Respublikasi, viloyatlar va Toshkent shahar iqtisodiy sudlari;
  
• 
  Qoraqalpog‘iston Respublikasi, viloyatlar va Toshkent shahar ma’muriy sudlari;
  
• 
  fuqarolik ishlari bo‘yicha tumanlararo, tuman (shahar) sudlari;
  
• 
  jinoyat ishlari bo‘yicha tuman (shahar) sudlari;
  
• 
  tumanlararo, tuman (shahar) iqtisodiy sudlari;
  
• 
  tuman (shahar) ma’muriy sudlari faoliyat ko‘rsatadi.