O’zbekiston ommaviy axborot vositalari mamlakat axborot-psixologik xavfsizligining omili

O’ZBEKISTON OMMAVIY AXBOROT VOSITALARI - MAMLAKAT AXBOROT-PSIXOLOGIK XAVFSIZLIGINING OMILI

Reja:

• Milliy jurnalistika yangi bosqichda
• O’zbekiston ommaviy axborot vositalari rivojlanish yo’lida
• Mamlakatimiz ommaviy axborot vositalarining milliy manfaatlarni himoya qilish sohasidagi vazifalari

Axborot asri deb nom olgan davrda mustaqil O’zbekiston jurnalistikasi tez rivojlana boshladi. O’zbekiston Respublikasi Prezidenti bu haqda shunday deydi: “Haqiqatan ham, shiddat bilan o’zgarib borayotgan hozirgi zamonda ommaviy axborot vositalarining faoliyat ko’lami, inson va jamiyat hayotiga ta’siri misli ko’rilmagan darajada kuchayib bormoqda. Bugungi kunda axborot nafaqat ma’lumot etkazish,

odamlarni yangilik va o’zgarishlar bilan tanishtirish vositasi bo’lib xizmat qilmoqda, ayni vaqtda axborot va kommunikatsiya tarmog’i amalda ishlab chiqarishning etakchi yo’nalishlaridan biriga, moddiy, ijtimoiy va ma’naviy sohalarning rivoji va o’sishiga hal qiluvchi asos va turtki beradigan, tez rivojlanayotgan eng zamonaviy sohaga aylanib borayotganiga barchamiz guvoh bo’lmoqdamiz”

1-reja:

Insoniyat tarixi uchinchi ming yilligining boshi axborotlashgan jamiyat ostonasiga qadam qo’yilishi bilan nishonlandi. Hozirda barcha taraqqiy etgan mamlakatlardagi har bir xonadon axborot olish va uzatish uchun turli texnikaviy vositalar – radio, televizor, telefon, faks, mobil telefon, kompyuterlar, ko’rish apparatlari va hokazolarga ega ekanligi buning yorqin dalilidir.

Axborotlashtirish jarayoni AQShda mehnat bilan band aholining 60% axborot sohasida mashg’ul bo’lishini ta’minlagan bo’lsa, qishloq ho’jaligida bu ko’rsatgich atigi 2,8 % ga teng

Axborotlashtirish jarayoni AQShda mehnat bilan band aholining 60% axborot sohasida mashg’ul bo’lishini ta’minlagan bo’lsa, qishloq ho’jaligida bu ko’rsatgich atigi 2,8 % ga teng

G’arbiy Evropa axborot industriyasida esa 70 % dan 75 % gacha aholi band.

Axborotlashgan jamiyat yangicha fikrlashni, muloqotning yangicha shakllarini yuzaga chiqaradi, shunga muvofiq ravishda yangicha ijtimoiy va psixologik munosabatlar paydo bo’ladi. Bu insonning hayotiy faoliyati sifat jihatdan yangi bosqichga ko’tariladi deganidir.