O‘zbekiston iqtisodiyotini rivojlantirishning ilmiy asoslari va muammolari” ilmiy tadqiqot markazi

Ijtimoiy faollik ijtimoiy sub’yektlar (jamiyat, tabaqalar, guruhlar, shaxslar)ning xatti-harakati, bu xatti-harakatlar ularning hayot faoliyati sharoitlarini yaratadi yoki o’zgartiradi hamda ularning o’zliklarini ham rivojlantiradi. Ijtimoiy faollikning mehnat, ijtimoiy va siyosiy turlari farqlanadi. Masalan, mehnat faolligi mehnat munosabatlari sohasida namoyon bo’ladi va sub’yektning kasbiy-ijtimoiy vazifani bajarishi jihatidan tavsiflanadi.

Ijtimoiy hamkorlik kamida ikki shaxs yoki jamoaning ijtimoiy aloqasi yoki munosabati shakli, bunda bir-biriga ta’siri, ularning o’zaro bog’liqligi yuzaga chiqadi, tomonlardan har birining ijtimoiy harakati amalga oshadi, bittasining harakati ikkinchisining harakatiga moslashishiga, vaziyatni tushunishda umumiylik qaror topadi va muayyan darajada birdamlik yoki ular o’rtasida kelishuvga erishiladi. Ijtimoiy hamkorlik o’tkinchi va barqaror, xususiy va oshkora, rasmiy va norasmiy bo’lishi mumkin.