O’zbеkistоn хаlq tа’limi vаzirligi

Дегеминация- сўз таркибидаги геминациянинг йўқолиши: менҚнинг>менинг, сизни>сиззи>сизи; қайер>қаер каби.
5.Синерезис-сўз таркибида ёндош қўлланган икки унлининг дифтонглашуви- бир чўзиқ унли ҳолига келиши: мутолаа>мутола: матбаа>матба: саодат>со:дат каби. Бу ҳодиса икки унли орасидаги ундошнинг тушиб қолиши ҳисобига юз бериши ҳам мумкин: заҳар>за:р, шаҳар>ша:р каби.
6.Спирантизация - айрим портловчи ундошларнинг икки унли орасида (интервокал позицияда) сирғалувчи ундошга ўтиши: бора бер>боравер (б>в), кабоб>кавоб (б>в), пўстлоқ>пўстлоғи (қ>ғ), тароқ> тароғи (қ>ғ) каби. Бу ҳодисада позицион омил (интервокал ҳолат) билан бирга комбинатор омил (унлиларнинг ундошга таъсири) ҳам иштирок этган.

Синерезис- сўз таркибидаги икки унлининг дифтонглашуви.
БЎҒИН
(СИЛЛАБЕМА).
Адабиёт: 1[13-16],10[66-70],16[35-49],23[147],24[25-26].
42-§. Бўғин бир ҳаво зарби билан айтиладиган товуш ёки товушлар бирикмасидир. Масалан: она(о-на), ота(о-та), бола(бо-ла) каби. Бўғин нутқ оқимининг товушдан катта, сўздан кичик (баъзан бир сўзга тенг) сегмент бирлигидир. Фонологик нуқтаи назардан бўғин силлабема дейилади, уни ўрганадиган соҳа эса силлабика деб номланади.
Бўғин унлисиз тузилмайди, шунинг учун унли товуш бўғиннинг маркази ҳисобланади- у ундошларни ўзига тортиб, бир ҳаво зарби билан айтиладиган фонетик бўлакни (бўғинни) ҳосил қилади. Ундошлар ўзича бўғин ясамайди (сонорлар бундан мустасно). Улар унлидан олдин келганда кучсиз бошланиб, кучли тугайди; китоб сўзидаги "ки-" бўғини бошида келган "к" ундоши шундай. Ундош товуш унлидан кейин келганда, кучли бошланади, сўнг кучсизланиб тугайди: китоб сўзидаги "-тоб" бўғини охирида келган "б" ундоши шундай. Баъзан икки бўғин орасида иккита бир хил ундош ёнма-ён келиб қолади: муддат (муд-дат) каби. Бу ҳодиса геминация саналади. Бунда иккала "дд" бир товушдек талаффуз этилади, бинобарин, кучли бошланиб, кучли тугайди, оралиғида эса бир оз пасайиш кузатилади. Булар икки баландликка эга ундошлар саналади. Демак, бўғин тузилишида ундошлар кучсиз бошланувчи, кучли туговчи ва икки баландликка эга характерида бўлади. (16,36-бет). Шунга кўра бўғин уч қисмга бўлинади; а) бўғин боши- бўғин ясовчи товушнинг (унлининг) баландлигигача бўлган қисм; б) бўғин маркази (бўғин баландлиги); в) бўғин марказидан кейинги қисм (бўғин баландлигидан сўнгги қисм).