O’zbеkiston davlatchiligi

Dotatsiya – davlat byudjetidan qaytarib bermaslik sharti bilan mablag‘ ajratish; iqtisodiyotga byudjet orqali ta’sir etish vositalaridan biri.
Yerga egalik – yer egalarining tegishli huquq va majburiyatlarini shart qiluvchi yuridik asoslarga muvofiq yuridik yoki jismoniy shaxslar tomonidan belgilangan yer maydonini haqiqiy egallash; xo‘jalik muomalasi va bozor mexanizmi bilan birgalikda ishlab chiqarishning muhim vositalaridan biri sifatida yerni tasarruf qilish shakli.
Yevro – “Yevropa” qit’asi nomining qisqartirilgani bo‘lib shu qit’aga tegishli pul birligini mamlakatlarning yagona valyutasidir.
1998 yilda Yevropaning yagona valyuta – iqtisodiy fazosi vujudga keltirildi. Yevropa markaziy banki tashkil qilinib, Yevropa ittifoqi mamlakatlarning umum pul-kredit siyosati amalga oshirila boshlandi va yanvardan Yevropa Ittifoqi bo‘yicha yagona pul birligi “Yevro” kiritildi. 2002 yil 1 iyuldan milliy valyutalar muomaladan uzil – kesil chiqarildi.
Yevropa davlatlari iqtisodiy uyushmasi – 1957 yilda Germaniya, Fransiya, Italiya, Belgiya, Gollandiya va Lyuksemburg davlatlari tomonida shartnoma asosida tuzilgan iqtisodiy uyushma tashkil topgan kundan boshlab hozirgi kungacha mazkur uyushmaga G‘arbiy Yevropadagi 26 davlat a’zo bo‘lgan.
Uyushmaning maqsadlariga muvofiq:
A) Davlatlar aro bojxona uyushmasi tuzilgan.
B) Mehnat kuchi, xizmatlar va kapitallar umumiy bozori tuzilgan.
V) Qishloq xo‘jaligi va transportda o‘zaro kelishilgan tadbirlar o‘tkazilmoqda.
G) Davlatlarning iqtisodiy kamchiligini yaqinlashtirish tadbirlar amalga oshirilmoqda.
D) Uyushma a’zolar bilan boshqa mamlakatlar bilan o‘zaro kelishilgan savdo-sotiq siyosatini amalga oshiriladilar.
Jahon valyuta tizimi – jahon bozorining rivojlanishi asosida shakllangan va davlatlararo bitimlar bilan mustaxkamlangan xalqaro pul- kredit munosabatlari.
Jahon bozori – xalqaro mehnat taqsimoti orqali bir-biriga bog‘langan mamlakatlar o‘rtasidagi barqaror oldi-sotdi munosabatlari. Jahon bozori xizmat qiluvchi maxsus infratuzilmaga ega bo‘lib, u xalqaro uyushmalar, banklar, birlashmalar, auksionlar, birjalar va har xil fondlardan iborat.