O’zbekiston davlat san’at va madaniyat instituti

O’zbekiston davlat san’at va madaniyat instituti
“Teatr san’ati” fakulteti
4-“Musiqali dramatik teatr aktyorligi” bo’limi talabasi
Doniyor Habibullayevning
Kasbiy psixologiya fanidan yozgan


KURS ISHI


Mavzu: Kasbiy psixologiyaning amaliy asoslari


Tekshirdi: Oybek Davlatov

Toshkent-2022

Kasbiy psixologiyaning amaliy asoslari.
Reja:

1. 
   Kirish.
   
2. 
   Kasb psixologiyasining vazifalari.
   
3. 
   Psixologiya nima?
   
4. 
   Kasb psixologiyasining ijtimoiy hayotda tutgan o‘rni.
   
5. 
   Xulasa.
   
6. 
   Foydalanilgan adabiyotlar ro’yxati.
   

Kirish.
O’zbekiston Respublikasi Prezidenti Sh.M.Mirziyoevning 7 fevral 2017 yil farmoni bilan 2017—2021 yillarga mo’ljallangan O’zbekistonni rivojlantirishning beshta ustuvor yo’nalishi bo’yicha Harakatlar strategiyasini ishlab chiqilishi ta’lim sohasini davlat siyosatida ustuvor o’rin tutish bilan birga keng jamoatchilik ishtirokini ham talab qilishiga alohida e’tibor qaratadi. To’rtinchi yo’nalish ijtimoiy sohani rivojlantirishga qaratilgan bo’lib, bunda ta’lim, madaniyat, ilm-fan, adabiyot, san’at va sport sohalarini rivojlantirish va yoshlarga oid davlat siyosatini takomillashtirish bilan birga ta’lim va o’qitish sifatini baholashning xalqaro standartlarini joriy etish asosida oliy ta’lim muassasalari faoliyatining sifati hamda samaradorligini oshirish alohida uqtirib o’tildi. O’zbekiston Respublikasi Prezidenti Sh.M.Mirziyoevning 2019 yil 14 maydagi PQ 4319-sonli qarori va Vazirlar mahkamasining 395-sonli qarorini targ’ibot qilish yuzasidan beshta muhim tashabbus bo’yicha Yoshlar ma’naviyatini yuksaltirish, kitobxonlik madaniyatini takomillashtirish orqali ta’lim sohasini tubdan isloh qilishda har bir sohaning “Yo’l xaritalari” ishlab chiqilib amaliyotga tatbiq etilmoqda. Shu o’rinda talabalarni kasbga yo’naltirishda “Kasbiy psixologiya” fani kategoriyalarini o’rgatish eng muhim vazifa sanaladi.
“Kasbiy psixologiya” o’quv kursi texnik oliy ta’lim muassasalari ta’lim yo’nalishi talabalarida kasbiy psixologik sifatlarini shakllantirish, ularni kasbga tayyorlashda muhim o’rin tutadi. Zamonaviy sharoitda fanni o’qitish talaba yoshlarni ilm-fan, texnika va texnologiya sohalarida erishilayotgan ilg’or yutuqlar, umuminsoniy g’oyalar, milliy qadriyatlarga tayangan holda tayyorlash, ularda pedagogik - psixologik madaniyatni rivojlantirish, ijodiy-texnik tafakkurni tarkib toptirish, yetakchi faoliyatini to’g’ri tashkil etish malakalarini hosil qilishga yo’naltirilgan.