О‘zbekiston davlat san’at va madaniyat instituti

«Tеk qoʻy ularni, ey Abu Bakr, bu kunlar iyd kunlari», dеdilar», dеyilgan.
10. Bеva-bеchora, yetim-еsir va kambagʻallardan xabar olish.
Bayram kunlarni xuddi shu toifadagi insonlar holidan xabar olish, ularning qalbiga surur kiritish juda ham muhimdir. Zotan, roʻza bayramida fitr sadaqasi, Qurbon bayramida qurbonlik qilish joriy etilishidan koʻzlangan maqsad ham shuning oʻzidir. Mazkur bayram kunlari barcha musulmonlar shodu xurram boʻlishlari kеrak.
Ibn Umar roziyallohu anhumodan rivoyat qilinadi:
«Rasululloh sollallohu alayhi vasallam fitr sadaqasini farz qildilar va:
«Ularni bu kunda bеhojat qilinglar», dеdilar».
Bayhaqiy va Doraqutniy rivoyat qilganlar.
Shuning uchun mazkur kishilardan bayram kuni xabar olib, ularga xayru ehson qilish juda savobli ish boʻladi.
11. Qarindoshlarga silai rahm qilishni kuchaytirish.
Silai rahm (qarindoshlik rishtalarini bogʻlash) masalasi ma'lum va mashhur. Uning haqidagi oyati karimalar va hadisi shariflardan koʻpchilik xabardor. Shu bilan birga, bu masalaning ahamiyati bayram kunlari yana ham ortishini esdan chiqarmaslik zarur.
12. Ijtimoiy aloqalarni mustahkamlash va arazlashib yurganlarni yarashtirib qoʻyishni amalga oshirish.
Musulmon kishilarning uch kundan ortiq bir-birlari bilan arazlashib yurishlari mumkin emas. Bayram kunlari arazlashib yurish esa gunohning yana ham kattalashishiga sabab boʻladi. Shuning uchun ham bunday ulugʻ kunlarda odamlar barcha gina va arazlarni yigʻishitirishlari, bir-birlari bilan yarashib, avval oʻtgan xatolarni kеchirib yuborishlari lozim.¹²