O‘zbekistan temir yo‘llari

Ris. 3.13



Rasm 3.14



Rasm 3.15
STANSIYA YO‘LLARIDA HARAKAT
TARKIBINI TO‘SISH


41. Stansiyaning yo‘llarida ta’mirlanayotgan vagonlar va 1 klass xavfli yuklar (VM) ortilgan vagonlar alohida yo‘lda turgan bo‘lsa, yo‘lning o‘q chizig‘iga 50 m dan kam bo‘lmagan masofaga o‘rnatiluvchi (harakatga ochiq bo‘lgan yo‘lda ikkala tomonidan, boshi berk bo‘lgan yo‘llarda srelkali o‘tkazgich tarafdan) ko‘chma qizil signallar bilan to‘siladi.
Agar bu holda oxirgi vagon bilan chegaraviy ustuncha orasidagi masofa 50 m dan kam bo‘lsa, bunday vaziyatda ko‘chma qizil signal yo‘l o‘qiga chegaraviy ustunchaning qirshisiga o‘rnatiladi.
Joylardagi sharoit hisobga olingan holda, texnik xizmat ko‘rsatilayotganda alohida tarkiblar va alohida guruh vagonlarni to‘sish tartibi DATK mintaqaviy temir yo‘l uzeli boshlig‘ining buyrug‘i bilan belgilanadi.
Vagonlarga texnik xizmat ko‘rsatish va ta’mirlash vaqtida, tarkiblarni markazlashgan to‘sish qurilmalaridan DATK belgilagan tartibga muvofiq foydalanish mumkin.


PEREGONDA MAJBURAN TO‘XTAGAN POYEZDNI TO‘SISH


42. Yo‘lovchi poyezd peregonda majburan to‘xtaganda to‘sishni oxirgi vagon kuzatuvchisi mashinistning ko‘rsatmasiga binoan quyidagi hollarda bajaradi:
tiklash poyezdi yoki o‘t o‘chirish poyezdi hamda yordamchi lokomotiv talab qilinib, agar yordam poyezdni oxiridan ko‘rsatilsa;
agar poyezd signalizatsiya va aloqa vositalarining hammasi to‘xtagan vaqtda to‘g‘ri yo‘l bo‘ylab ikki yo‘llik peregonga yoki bir yo‘llik peregonga jo‘natilganda, uning orqasidan boshqa poyezdni jo‘natilgani xaqida xabar berilgan bo‘lsa.
To‘xtab qolgan yo‘lovchi poyezdini to‘suvchi oxirgi vagonning kuzatuvchisi qo‘l tormozlarini ishga tushirishi, poyezdning oxirgi vagonidan 800 m masofada petardalarni o‘rnatishi, shundan so‘ng o‘rnatilgan petardalardan 20 m masofaga uzoqlashib, peregon tomonga qo‘l qizil signalini ko‘rsatishi kerak (rasm 3.16).