Өзбекистан республикасының физикалық ҲƏм юридикалық шахслардың

28-статья. Прокурордың əмирнамасы
Нызам бузылыўын сапластырыў ҳаққындағы əмирнама 
прокурор тəрепинен мине усы нызам бузыўшылыққа жол 
қойған орган яки лаўазымлы шахсқа, ямаса жоқары органға яки 
мине усы нызам бузыўшылықты сапластырыў ўəкиллигине ийе 
шахсқа жибериледи.
Нызам бузылғанлығы айқын көзге тасланған жағдайларда 
ҳəм бул пуқаралардың, мəмлекеттиң, кəрхананың, шөлкемниң 
ҳуқықларына ҳəм нызамлы мəплерине сезилерли зыян 
келтириўи мүмкин болғанда əмирнама киргизиледи. Əмирнама 
тезлик пенен орынланып, бул туўралы прокурорға хабар 
берилиўи шəрт.
Əмирнамадағы талапқа наразы болған жағдайда орган яки 
лаўазымлы шахс усы əмирнама үстинен жоқары турыўшы 
прокурорға шағым етиўи мүмкин. Прокурор шағымды 
үш күнлик мүддет ишинде қарап шығыўы шəрт. Шағым 
əмирнаманың орынланыўын тоқтатып қоймайды.

---

186
Өзбекистан Республикасының Нызамы
ПУҚАРАЛАРДЫҢ ҲУҚЫҚЛАРЫН ҲƏМ ЕРКИН-
ЛИКЛЕРИН БУЗАТУҒЫН ИС-ҲƏРЕКЕТЛЕР ҲƏМ 
ҚАРАРЛАР ҮСТИНЕН СУДҚА ШАҒЫМ ЕТИЎ 
ҲАҚҚЫНДА
(Өзбекистан 
Республикасы 
Олий 
Мажлисиниң 
Ведомостлары, 1995, №9, 183-ст)
1-статья. Судқа шағым менен мүрəжат етиў ҳуқықы.
Ҳəр бир пуқара мəмлекетлик органлар, кəрханалар, 
мəкемелер, шөлкемлер, жəмийетлик бирлеспелер, пуқаралардың 
өзин өзи басқарыў органлары яки лаўазымлы шахслардың 
нызамға қайшы келетуғын ис-ҳəрекетлери (қарарлары) менен 
өз ҳуқықлары яки еркинликлери бузылған деп есапласа, шағым 
менен судқа мүрəжат етиў ҳуқықына ийе.
Егер Өзбекистан Республикасының халық аралық 
шəртнамалары ҳəм келисимлеринде өзгеше қағыйдалар 
нəзерде тутылмаған болса, сырт ел пуқаралары усы Нызамда 
белгиленген тəртипте судқа шағым менен мүрəжат етиўге 
ҳақылы.
Пуқаралығы болмаған шахслар усы Нызамға муўапық судқа 
шағым менен мүрəжат етиў ҳуқықына ийе.