O’zbek tilshunoslari. Modal so’zlar Darsning maqsadi

Bilib oling! Aytilayotgan fikrga soʻzlovchining munosabatini bildiruvchi soʻzlar 
modal soʻzlardir. Modal soʻzlar gapning boshida, oʻrtasida va oxirida kelishi ham 
mumkin. Agar modal soʻz gapning boshida kelsa, undan keyin, oxirida kelsa, 
undan oldin, oʻrtasida kelsa, ikki tomonidan vergul bilan ajratib yoziladi. Masalan: 
Yaxshi kasb egasi bo'lish uchun, albatta, bilim olish kerak. Sen yig'ilishga 
kelmading, shekilli. 
4. 
Mustahkamlash
.
1- mashq.
Foydalanish uchun berilgan soʻzlardan mosini qo'llab, 
gaplarni toʻldiring. 
1. ..., ajdodlarimiz merosini chuqur o'rganishimiz kerak. 2. ..., aytilgan gaplar toʻgʻrimi? 
3..., buyuk bobolarimizning bu kabi dono fikrlari juda koʻp. 4. .... biz ajdodlarimizdan 
qolgan boy merosimizni hali yaxshi bilmaymiz. 5. ...., ilmni kishi havas, ishtiyoq, qunt 
va chidam bilan o'qib qo'lga kiritishi mumkin. 
Foydalanish uchun so'zlar: afsuski, baxtimizga, sizningcha, Boburning qayd etishicha, 
shubhasiz. 
2- mashq.
Matnda qoʻllangan modal soʻzlarni yozing va ma'nosini tushuntiring. 
Buyuk alloma Ibn Sino qayd etishicha, agar o'quvchilar hamkorlikda oʻqishsa, ularda 
fanni egallashga qiziqish yuzaga keladi. Aksincha, o'quvchilar bir-birlaridan qolmaslik 
uchun harakat qiladilar, musobaqalashish istagi rivojlanadi. Xususan, oʻzaro 
suhbatlashganda o'quvchilar bir-biriga kitobdan oʻqib bilib olganlarini, kattalardan 
eshitganlarini hikoya qilib beradilar. Allomaning fikricha, bularning hammasi o'qishni 
yaxshilashga yordam beradi.
 
5.
 
Baholash 
O`quvchilar darsdagi ishtirokiga ko`ra belgilangan baholash mezonlari asosida 
baholanadilar. Darsda faol ishtirok etmagan o`quvchilar bilan ishlanadi.
6.
 
Uyga vazifa:
 
“Alisher Navoiy – o’zbek adabiy tilining asoschisi” mavzusida matn yaratish.
O`quv ishlar bo`yicha direktor o`rinbosari_________________________________