O‘zbek tilining sohada qo‘llanilishi” fanidan O‘quv-uslubiy majmua toshkent – 2021

Tushunirish xatlari asosan xodim (ishchi, xizmatchi, jamoa xo‘jaligi a’zosi, talaba) tomonidan, ba’zan bo‘linmalar rahbarlari tomonidan muassasa rahbari nomiga yoziladi. Unda ish (o‘qish) jarayonida xodim (talaba) tomonidan sodir etilgan ba’zi hatti-harakatlar (masalan, ish yoki o‘qishga kеch qolish, kеlmay qolish, rеja yoki ayrim topshiriqlarni bajarmaganlik, bеlgilangan tartib-qoidalarga rioya qilmaganlik va boshqalar) va ularning sabablari izohlanadi, dalillanadi.
Tushunirish xatlari odatda mansabdor (rahbar) shaxsning talabi bilan yoziladi, chunki u kеyinchalik xodim haqida muayyan qarorga kеlish, unga nisbatan tеgishli intizomiy jazo chorasini qo‘llash yoki, dalillar asosli (uzrli) bo‘lsa, qo‘llamaslik uchun asos vazifasini o‘tashi mumkin.
Tushuntirish xati xodim (talaba)ning o‘z dastxati bilan yozilib, yozuvchi shaxs nomi qaratqich kelishigida (masalan: N. Sobirovning tushuntirish xati) rasmiylashtiriladi. Matn mazmuni aniq va ixcham tuziladi, sana va dalillar aniq ko‘rsatiladi, yetarlicha izohlanadi, qo‘shimcha asoslov hujjatlari ilovada beriladi.


I S H O N C H N O M A
Shaxsiy ishonchnoma shakli:

ISHONCHNOMA Men, (ishonch bildiruvchining to‘liq nomi), (ishonchli shaxsning to‘liq nomi)-ga (qavsda pasportining ma lumotlari) ishonch mazmuni, ya’ni topshirilayotgan vazifa bayoni (ba’zan muddati ham) ... uchun ishonch bildiraman. yozilgan sanasi (imzo) ismi, familiyasi Ishonch bildiruvchining imzosi tasdiqlanganligi to‘g‘risidagi qayd Imzoni tasdiqlagan shaxsning lavozimi, imzosi, ismi va familiyasi yumaloq muhr sana

Shaxsiy ishonchnoma namunasi:

ISHONCHNOMA Men, NMTF 7-15 guruhi talabasi Yo‘ldoshev Kamoliddin, guruhdoshim Murodov Baxtiyorga (SA seriyadagi 2455664 raqamli 2014.18.04.da Chilonzor tumani IIB tomonidan berilgan pasportga ega) institut kassasidan menga tegishli 2017-yil sentabr oyi stipendiyasini olish uchun ishonch bildiraman. 2017-yil 25-avgust (imzo) K. Yo‘ldoshev. K. Yo‘ldoshev imzosini tasdiqlayman. NMTF dekani (imzo) dots.L.A.Ismoilova 2021-yil 25-avgust