O’zbek tilidan uslubiy qo’llanma (Bakalavriatda rus tilida tahsil oladigan barcha yo’nalishdagi talabalar uchun)

2 topshiriq. Iboralarning ruscha muqobilini toping. Ular ishtirokida gaplar tuzing.
1. Ipsiz bog‘lamoq. 2. Ishi yurishib ketdi. 3. Ishongan bog‘im, suyangan tog‘im.
4. Ko‘z olaytirmoq.
KUTUBXONA TARIXIDAN yoki VIRTUAL KUTUBXONA
SO’Z TURKUMLARI
KUTUBXONA TARIXI
Kutubxona yozma yodgorliklari saqlanadigan joy sifatida qadim zamonlarda paydo bo’lgan. Eramizdan avvalgi VII asr o‘rtalarida Sharqdagi ko’p mamlakatlar podshohlarning saroylarida sopol va pergamentdan iborat hujjatlar to‘plamlari saqlangan. Qadimgi Misr ibodatxonalrida kutubxonalar ruhoniylarga xizmat qilgan. Aristotel birinchi yirik kutubxonani Yunonistonda tashkil qilgan. Qadimgi davrdagi kutubxonalarning eng mashhuri Aleksandriya (Iskandariya) kutubxonasi hisoblanadi.
Markaziy Osiyoning ko‘p davlatlari, masalan, So’g’diyona, Xorazmda III – asrdayoq boy kutubxonalar bo‘lgan. IX – XV asrlarda eng oldingi o‘rinlarda turuvchi kutubxonalar mavjud bo‘lgan. Al Xorazmiy, Al Farg‘oniy, Beruniy, Ibn Sino, Mahmud Qoshg‘ariy, Abdurahmon Jomiy, Ulug‘bek, Alisher Navoiylar o’z zamonalarining kutubxonalaridan foydalanishgan. Ularning o‘zlari hatto kutubxonalarga homiylik qilishgan. Buxoro, Xiva, Samarqand kabi shaharlarda xon saroylari, madrasalarda ko‘plab nodir qo‘l yozmalar saqlangan.
Topshiriqlar
1. Berilgan so’zlarni eslab qoling.
Yozma yodgorlik – письменный, рукописный памятник
Ibodatxona – храм
Ruhoniy – духовное лицо
Xomiylik – покровительство
Nodir – редкий, ценный
2. Matnni rus tiliga tarjima qiling.
3. Matn mazmunini ochib beruvchi savollar tuzing va savollar asosida gapirib bering.
Virtual kutubxonaning o’zi nima?
Topshiriq. Matnni o‘qing. Mazmunini gapirib bering.
Virtual so‘zining ma’nosi, bu tasavvur qilishdir. Virtual kutubxona bu odatdagi kutubxonaning abstrakt ko‘rinishidir. Bu kutubxonada kitoblar, jurnallar va ro‘znomalar kitob javonlarida emas, balki kompyuter xotirasida joylashgan bo’ladi. Bu kompyuterlarda yoki kompyuter maxsus qurilmalarida raqamli formatda saqlanadigan ma’lumotlarning to‘plamidir. Bu: bosma, audio, video va multimedia ma’lumotlaridir. Ma’lumotlar hajmiga qarab serverlar bitta yoki tarmoq bilan bog‘langan bir necha kompyuterlardan iborat bo’ladi. Elektron kutubxonada kutubxonachi bo’lmaydi, shuning uchun zarur kitob yoki ma’lumotni kompyuter xotirasidan siz o‘zingiz qidirasiz.