O’zbek tili adabiyoti uslubiyoti kafedrasi

FANNING ASOSIY BO‘MLARIDA O‘RGANILADIGAN MUAMMOLAR
Кirish qismida “Bolalar adabiyoti va folklor” fanining maqsad va vazifalari, bolalar adabiyotining jahon adabiyotida tutgan o‘rni, folklor bilan chambarchas bog‘liqligi, bolalarga bag‘ishlangan asarlarning kitobxonlar yosh xususiyatlariga ko‘ra tasniflanishi, folklor janrlari haqida to‘liq tushuncha berish ko‘zda tutilgan.
Bolalar adabiyoti va folklor fan sifatida. Bolalar adabiyoti va folklorni jahon adabiyoti taraqqiyotidagi o‘rni. Bolalar adabiyotining tarixiy ildizi bolalar folkloriga borib taqalishi va folklorning fan sifatida o‘qitilish tarixi, uning o‘ziga xos xususiyatlari, xalq milliy marosimlari, urf-odatlari, an’analari va ularda xalqning dunyoqarashi, orzu-umidlarining ifodalanishi, folklor janrlarining xilma-xilligi, g‘oyaviy-badiiy xususiyatlari haqida fikr yuritiladi. Shu bilan birga, bolalar folklorining janr xususiyatlari, ta‘lim-tarbiya g‘oyalarining o‘yinlar vositasida ifoda etilishi, qo‘shiqlar, sanamalar, allalar, ovutmachoqlar xususida ma’lumot beriladi. Bolalar folklorining tarixiy ildizi, taraqqiyot tamoyillari, o‘ziga xosligi, g‘oyaviy-badiiy xususiyatlari, yosh avlod ongining yuksalishida milliy qadriyatlar va an’analar o‘rni haqidagi tushunchalar keng ifodalanadi.
Bolalar adabiyoti va kitobxonligi bo‘limida o‘zbek bolalar adabiyotining tarixiy manbalari. Bu adabiyotning maydonga kelishi va xalq og‘zaki ijodida davrning o‘rni; Qadimgi maktab darsliklari; M.Qoshg‘ariy, Yu.X.Hojib, Forobiy, Ibn Sino, A.Navoiy, Gulxaniy ijodida ma’rifaparvarlik g‘oyalari; Bolalar adabiyotining paydo bo‘lish va rivojlanish bosqichlari, janrlar xususiyati, g‘oyaviy-badiiy mazmuni, ijodkorlar asarlarida ifodalangan ona-Vatan, ilm-fan, mehnatsevarlik, do‘stlik, odob-axloq masalalarining badiiy tahlili, mustaqillik davri bolalar adabiyoti o‘rganiladi.
Bolalar adabiyotida g‘oyaviylik va badiiy mahorat bo‘limida XX asr bolalar adabiyotiga milliy uyg‘onish g‘oyalarining kirib kelishi; Bolalar adabiyotida ma’naviy-axloqiy, ma’rifiy-tarbiyaviy g‘oyalarning targ‘ib qilinishi; M.Behbudiy, H.H.Hamza, S. Ayniy, А.Аvloniy va Ibrat asarlarida ta’lim-tarbiya masalasining qo‘yilishi. 30-yillar va urush davri bolalar adabiyoti ijodkorlarining hayoti va faoliyati, asarlarining g‘oyaviy-badiiy, tarbiyaviy-ma’naviy ahamiyati haqida fikr yuritiladi.