Abdulla Qodiriy ijodiy merosining o‘zbek va jahon adabiy-estetik tafakkuri taraqqiyotidagi o‘rni

PRESS-RELIZ
“Abdulla Qodiriy ijodiy merosining o‘zbek va jahon adabiy-estetik tafakkuri taraqqiyotidagi o‘rni” mavzusida xalqaro ilmiy-amaliy, metodik konferensiya
Prezident ta'lim muassasalari agentligi tasarrufidagi Abdulla Qodiriy nomidagi ijod maktabi tashabbusi bilan joriy yilning 15-aprel kuni Toshkent davlat o‘zbek tili va adabiyoti universitetida o‘zbek romanchiligi asoschisi Abdulla Qodiriy tavalludining 128 yilligi munosabati bilan “Abdulla Qodiriy ijodiy merosining o‘zbek va jahon adabiy-estetik tafakkuri taraqqiyotidagi o‘rni” mavzusida xalqaro ilmiy-amaliy, metodik konferensiya bo‘lib o‘tdi.
“Abdulla Qodiriy ijodiy merosining o‘zbek va jahon adabiy-estetik tafakkuri taraqqiyotidagi o‘rni” mavzusida xalqaro ilmiy-amaliy, metodik konferensiyaning o‘ziga xos jihati shundaki, konferensiya to‘plamida maktab o‘quvchilarining kichik ilmiy tadqiqotlari ham kiritildi.
Xalqaro konferensiyaga Sirojiddin Sayyid, (O‘zbekiston Yozuvchilar uyushmasi raisi, O‘zbekiston xalq shoiri), Minhojiddin Mirzo, (Respublika ma’naviyat va ma’rifat markazi rahbari, Senator), Sadriddin Turopjanov (Islom Karimov nomidagi Toshkent davlat texnika universiteti rektori), Shuhrat Sirojiddinov, (Alisher Navoiy nomidagi Toshkent Davlat o‘zbek tili va adabiyot universiteti rektori, professor), Shuhrat Rizayev (O‘zbekkino milliy agentligi direktor o‘rinbosari, adabiyotshunos), Bahodir Karim (filologiya fanlari doktori, professor)lar ishtirok etishdi.
Shuningdek, bir qator xorijiy davlatlarning ta’lim muassasalari bilan hamkorlikda (Rossiya, Qozog‘iston, Turkiya, Ozarboyjon) o‘tkazildi. Beg‘am Qorayeva, (Moskva davlat lingvistika universiteti dotsenti, pedagogika fanlari nomzodi), Shahlo Noraliyeva (Janubiy Qozog‘iston davlat pedagogika universiteti dotsenti), Otabek Tillayev (Istanbul universiteti doktoranti) Salimjon G‘aniyev (Chimkent shahridagi 53-maktab o‘zbek tili va adabiyoti fani o‘qituvchisi)lari ishtirok etishdi.
Xalqaro konferensiya yakunida, Abdulla Qodiriy nomidagi ijod maktabi “Qodiriy izdoshlari” to‘garagi a’zolarining ijodiy chiqishlari bo‘lib o‘tdi. O‘quvchilarning sahna ko‘rinishlari tomoshabinlarni shu davrga hayolan sayohat qilishiga turtki bo‘ldi desak mubolag‘a bo‘lmaydi.