Ozbek-Tariyx-1-70-(каракалпак). indd

III BAP. 
ÓZBEKSTANDA EKONOMIKALÍQ REFORMALAR 
HÁM SOCIALLÍQ SIYASAT
5-tema.
 Ózbek modeliniń islep shıǵılıwı. 
Ekonomikalıq reformalardıń baslanıwı
Ózbekstanda bazar qatnasıqlarına ótiwdiń ózine tán jolı, rawaj-
lanıwdıń «Ózbek modeli».
Ózbekstan ǵárezsizlikke erisken waqıtta 
social-ekonomikalıq jaǵday oǵada qıyın edi. Ǵárezsizlikti qolǵa kirgiz-
gen Ózbekstan sovet dúzimi dáwirindegi ekonomika tiykarın quraǵan 
rejelestiriwshi siyasattan waz keshti hám bazar ekonomikası jolın tańladı. 
Jáhán tájiriybesiniń kórsetiwinshe, dúnyadaǵı barlıq eller ushın birdey 
rawajlanıw jolı, birdey standart bolıwı múmkin emes. Hárbir mámleket 
óziniń tariyxıy rawajlanıw dástúrleri, milliy ózgesheliklerin esapqa alǵan 
halda, óz jolı, óz modelin islep shıǵıwı lazım. Ózbekstanda áne usı 
ulıwma baǵdarlama hám ulıwma nızamshılıq normaları tiykarında bazar 
ekonomikası qatnasıqlarına tiykarlanǵan óz jolın tańlap aldı.