Ozbek-Tariyx-1-70-(каракалпак). indd

Elimizde demokratiyalıq reformalardı jáne de tereńlestiriw hám 
puqaralıq jámiyetin rawajlandırıw koncepciyası.
Islam Karimovtıń 
2010-jılı 12-noyabrde bolıp ótken Ózbekstan Respublikası Oliy Majlisi 
Nızamshılıq palatası hám Senatınıń qospa májilisindegi «Elimizde 
demokratiyalıq reformalardı jáne de tereńlestiriw hám puqaralıq 
jámiyetin rawajlandırıw koncepciyası» temasındaǵı bayanatı ámelge 
asırılǵan reformalardı esap-kitap etiw hám de jámiyet hám mámleket 
turmısınıń barlıq tarawların jáne de rawajlandırıw baǵdarların belgilep 
alıw kózqarasınan úlken áhmiyetke iye boldı. Usı Koncepciyada 
elimizde puqaralıq jámiyeti hám huqıqıy mámleket qurıw boyınsha 
ámelge asırılǵan jumıslar tolıq talqılanıp, bul baǵdardaǵı demokratiyalıq 
reformalardı jáne de tereńlestiriw hám izshil dawam ettiriw boyınsha 
áhmiyetli wazıypalar belgilep berildi.
Mámleketlik hákimiyatı hám basqarıwın demokratiyalastırıw boyın-
sha Konstituciyanıń 78, 89, 93, 96, 98-statyalarına ózgerisler kirgizilip, 
oǵan tiykarlanıp Bas Ministr kandidaturası saylawlarda (Oliy Majlis) eń 
kóp deputatlıq orınların alǵan siyasiy partiya yaki teń muǵdarda kóp 
orın alǵan siyasiy partiyalar tárepinen usınıladı, Prezident usınılǵan 
Este saqlań!
Koncepciya altı bólimnen ibarat bolıp, onda mámleketlik 
hákimiyat hám basqarıwın demokratiyalastırıw, sud-huqıq sisteması, 
málimleme tarawın reformalaw, málimleme hám sóz erkinligin, 
saylaw huqıqı erkinligin támiyinlew hám saylaw nızamshılıǵın 
rawajlandırıw, puqaralıq jámiyeti institutların qáliplestiriw hám 
rawajlandırıw, bazar ekonomikasın liberallastırıwdı jáne de tereń-
lestiriw boyınsha áhmiyetli wazıypalar belgilengen. 

---

32
kandidaturanı kórip shıǵıp 10 kún múddet ishinde Oliy Majlis palataları 
tárepinen kórip shıǵıw hám tastıyıqlawı ushın usınatuǵın boldı.
Sud-huqıq sistemasın reformalaw tarawında advokatura institutı 
jetilistirildi hám onıń ǵárezsizligi jáne de bekkemlendi. Jınayıy jazalardı 
liberallastırıw múnásibeti menen jınayatlar klassifikaciyası ózgerttirildi. 
Sankciya beriw huqıqı sudlarǵa ótkiziledi.
«Mámleketlik hákimiyatı hám basqarıwı uyımları jumısınıń ashıqlıǵı 
haqqında», «Teleradioesittiriwler haqqında», «Ǵalaba xabar quralları 
xızmetiniń ekonomikalıq tiykarları haqqında», «Ǵalaba xabar quralların 
mámleket tárepinen qollap-quwatlaw kepillikleri haqqında»ǵı nızam-
lardı qabıllaw belgilendi. Nátiyjede, málimleme tarawın reformalaw, 
málimleme hám sóz erkinligin támiyinlew tarawında mámlekette usı 
tarawǵa tiyisli 10 ǵa jaqın nızam hújjetleri qabıllandı.
Ózbekstanda saylaw huqıqı erkinligin támiyinlew hám saylaw 
nızamshılıǵın rawajlandırıw tarawında saylaw nızamshılıǵı jetilistirilip, 
saylaw sisteması izshil hám basqıshpa-basqısh liberallastırıp barıldı. 
Múddetinen aldın dawıs beriw mashqalasın sheshiw, uchastka saylaw 
komissiyaları xızmetiniń áshkaralıǵın támiyinlew boyınsha ámeldegi 
nızam hújjetlerine ózgerisler kirgiziw belgilendi.
Házirgi waqıtta elimizde 9 mıńnan aslam mámleketlik emes shólkemi 
bar. 29 xalıqaralıq hám shet el húkimetlik emes shólkemleriniń filial 
hám wákillikxanaları xızmet júrgizbekte. 2017-jılı «Nuranıy» fondı, Jas-
lar awqamı, Ózbekstan fermer, diyqan xojalıqları hám úy qaptalı jer iye-
leri keńesi, Sawda-sanaat palatası, Ózin-ózi basqarıw uyımları xızmetin 
muwapıqlastırıw boyınsha Respublikalıq keńesi sıyaqlı mámleketlik emes 
kommerciyalıq emes shólkemleri xızmetin jetilistiriw hám olardı qollap-
quwatlawǵa qaratılǵan ayrıqsha párman hám qararlar qabıllandı.