Ozbek-Tariyx-1-70-(каракалпак). indd

Ózbekstan — Koreya Respublikası
. Ózbekstan Respublikası hám 
Koreya Respublikası ortasında birge islesiw qatnasıqlarınıń rawajla-
nıwına 1991-jılı dekabrde Ózbekstan ǵárezsizligi tán alınǵan hám 
olar ortasında 1992-jılı yanvarda diplomatiyalıq qatnasıqlar ornatılǵan 
kúnde tiykar salınǵan edi. Bul tariyxıy sáneler eki mámleket óz ara 
qatnasıqlarında jedel siyasiy ushırasıw alıp barıw hám hár tárepleme óz 
ara paydalı birge islesiwdiń qáliplesiwi ushın jol ashtı.
Ózbek-koreys óz ara paydalı birge islesiw qatnasıqlarınıń rawaj-
lanıwına Ózbekstan basshısınıń Koreya Respublikasına 2012-jılı 
sentyabrdegi saparı jańa túrtki boldı. Ushırasıw juwmaqlarına muwa-
pıq, Birgeliktegi bildiriwi qabıllanıp, onda táreplerdiń kóp tárep-
leme birge islesiwine baha berildi hám hár tárepleme qatnasıqlarınıń 
keleshektegi tiykarǵı baǵdarları belgilendi. 2014-jılı iyinde Koreya 
Respublikası Prezidenti Park Geunheniń Ózbekstanǵa rásmiy saparı 
waqtında eki mámleket ortasında Strategiyalıq sheriklikti jáne de 
rawajlandırıw hám tereńlestiriw haqqında Birgeliktegi deklaraciya hám 
finans, investiciya, alternativalı energetika hám mádeniyat tarawlarında 
ózbek-koreys birge islesiwin jáne de tereńlestiriw maqsetinde bir qatar 
hújjetler tastıyıqlandı. Ózbekstanda Koreya investiciyası qatnasıwı menen 
400 den artıq kárxana xızmet alıp barmaqta.
Este saqlań
!
2017-jılı Koreya Respublikasında Shavkat Mirziyoevtiń Óz-
bekstan Respublikası Prezidenti lawazımındaǵı xızmetiniń birinshi 
jılı haqqında koreys tilinde «Ózbekstan Respublikası Prezidenti 
Shavkat Mirziyoev» atlı kitabı basılıp shıqtı.

---

127
1992-jıldan berli Tashkentte Koreya bilimlendiriw orayı xızmet 
alıp barmaqta. Ózbekstan mámleketlik jáhán tilleri universiteti hám 
Samarqand mámleketlik shet tilleri institutında Koreys tili hám máde-
niyatı orayları jumıs alıp barmaqta.
Ózbekstan Respublikası Prezidenti Shavkat Mirziyoev Koreya Res-
publikası Prezidenti Mun Chje Inniń miráti menen, 2017-jıldıń noyab-
rinde Koreya Respublikasına rásmiy sapar menen bardı. Bul Ózbek-
stan Respublikası Prezidentiniń Koreya Respublikasına tariyxıy burılıs 
jasawshı mámleketlik saparı boldı. Joqarı dárejedegi sóylesiwlerde óz ara 
birge islesiwdiń keń kólemli máseleleri, siyasiy, sawda-ekonomikalıq, 
ilimiy-texnikalıq, mádeniy-gumanitarlıq hám basqa tarawlardaǵı 
mámleketler aralıq baylanıslardı jáne de rawajlandırıw perspektivaları, 
regionallıq hám xalıqaralıq mashqalalarǵa baylanıslı kelisimler tas-
tıyıqlandı.
Ózbekstannıń zamanagóy sırtqı siyasatı jedel, baslamashı hám 
pragmatik sırtqı siyasiy kurs alıp barıwdı hám de júzege kelip atırǵan 
qáwip-qáterlerge óz waqtında hám adekvat juwap ilajları arqalı 
sheshiwdi talap etetuǵın XXI ásirdiń oǵada tezlik penen ózgerip 
atırǵan xalıqaralıq-siyasiy waqıyalardı esapqa alǵan halda qurılmaqta. 
Bular Ózbekstannıń jáhán keń jámiyetshiligi menen bekkem baylanısta 
bolǵanlıǵınan, hár tárepleme mápdarlı birge islesiwdi jáne de 
tereńlestirip baratırǵanınan derek beredi. Xalıqaralıq birge islesiwshiler 
sheńberinde qabıl etilgen hújjet hám kelisimlerdi óz waqtında tolıq 
orınlaw maqsetinde 40 «jol kartası» islep shıǵıldı hám shet ellik 
sherikleslerimiz benen birgelikte ámelge asırılmaqta.
Ózbekstan sırtqı siyasatında jańa industrial rawajlanıp atırǵan 
eller menen jaqın qatnasıqlar hám birge islesiwdi jolǵa qoyıw hám de 
rawajlandırıwǵa da úlken itibar berilip atır. Bunday mámleketler qatarına 
Qubla-shıǵıs Aziya ellerin kirgiziw múmkin. Qubla-shıǵıs Aziyanıń 
Ózbekstan Respublikası sırtqı siyasatındaǵı ózine tán ornı sonıń menen 
belgilenedi, bul region on rawajlanıp atırǵan eldi óz ishine aladı. Olar 
arasında social-ekonomikalıq turmıs dárejesi hám rawajlanıw pátleri 
boyınsha Indoneziya, Malayziya, Singapur hám Tailand sıyaqlı eller 
ajıralıp turadı. Olardıń koloniyallıq boysınıwshılıqtan qutılǵannan 
soń toplaǵan siyasiy hám social-ekonomikalıq reformalar barısındaǵı 
tájiriybesi jańa ǵárezsiz eller ushın órnek bolıwı múmkin.

---

128
Ótken dáwir dawamında mámleket hám húkimet basshıları ortasında 
bolıp ótken rásmiy ushırasıwlardıń nátiyjesi, óz ara túsiniw, doslıq 
hám birge islesiw haqqındaǵı shártnama hám kelisimlerge erisilip, olar 
mámleketler aralıq qatnasıqlarǵa bekkem tiykar boldı. Bulardıń barlıǵı 
Ózbekstan Respublikası hám Qubla-shıǵıs Aziya elleri ortasında sawda-
ekonomikalıq, ilimiy-texnikalıq hám mádeniy-gumanitarlıq tarawlardaǵı 
birge islesiw nátiyjeli rawajlanıwına xızmet etti.
?